شي جينپيڭ 2016-جىلعى جۇڭگو-ا ق ش ساياحات جىلىنىڭ باستالعاندىعىنا قۇتتىقتاۋ ءسوزىن جولدادى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2016-03-01 18:16:00


    شينحۋا اگەنتتىگىنىڭ حابارى. 2016-جىلعى جۇڭگو مەن ا ق ش-تىڭ ساياحات جىلى اقپاننىڭ 29-كۇنى بەيجيڭدە باستالدى. مەملەكەت ءتوراعاسى شي جينپيڭ اشىلۋ سالتىنا ارناپ قۇتتىقتاۋ ءسوزىن جولدادى.


    شي جينپيڭ بىلاي دەدى: 2016-جىلعى جۇڭگو مەن ا ق ش-تىڭ ساياحات جىلىن وتكىزۋ-بىلتىر قىركۇيەك ايىندا ا ق ش-تا مەملەكەتتىك ساپاردا بولعان كەزىمدە ەكى جاقتىڭ كەلىسىكەن ماڭىزدى تابىسى. 2016-جىلعى جۇڭگو مەن ا ق ش-تىڭ ساياحات جىلىنىڭ باستالۋىنا وراي، جۇڭگو ۇكىمەتى مەن حالقى اتىنان ءارى ءوز اتىمنان ساياحات جىلىنىڭ باستالعاندىعىن قىزۋ قۇتتىقتايمىن، الىستان كەلگەن ا ق ش-تىق قوناقتاردى قىزۋ قارسى الامىز.


    شي جينپيڭ مىنالاردى اتاپ كورسەتتى: جۇڭگو مەن ا ق ش ديپلوماتيالىق قاتىناس ورناتقان 37 جىلدان بەرى، ەكى ەل قاتىناسى تاريحي دامۋعا قول جەتكىزدى. جاقىنعى جىلداردان بەرى، ەكى جاق جۇڭگو مەن ا ق ش-تىڭ جاڭاشا ءىرى ەل قاتىناسىن قۇرۋعا بىرلىكتە قۇلشىندى جانە جەبەدى، ەكى ەل كوپتەگەن ماڭىزدى سالادا، ەلەۋلى حالىقارالىق ىستەردە جانە وڭىرلىك ماسەلەلەردە سايكەستى جانە سەلبەستى، بۇل ەكى ەل جانە ەكى ەل حالقىنا باقىت جاراتىپ قالماستان، دۇنيەنىڭ بەيبىتشىلىگىن ورنىقتىلىعىن، گۇلدەنۋىن پارمەندى جەبەدى.


    شي جينپيڭ بىلاي دەدى: جۇڭگو مەن ا ق ش-تىڭ شۇعىلالى مادەنيەتى، كوركەم تابيعات كورىنىستەرى بار، ەكى ەل حالقىنىڭ دوستىقتى ءتۇسىنۋ، تەرەڭدەتۋ كۇشتى تىلەگى دە بار. ەكى جاقتان ساياحات جىلىن وتكىزۋدى وراي ەتىپ، بارىس-كەلىسىتى كەڭەيتىپ، مادەنيەت اۋىس-كۇيىسىن كۇشەيتىپ، جۇڭگو مەن ا ق ش قاتىناسىن دامىتۋعا ءتىپتى دە قويۋ جۇرت تىلەگى مەن قوعامدىق نەگىزدى بەكەمدەۋدى ءۇمىت ەتەمىز. ءتىپتى دە كوپ ا ق ش-تىق دوستاردىڭ جۇڭگوعا ساياحاتتاي كەلۋىن قارسى الامىز. 2016-جىلعى جۇڭگو-ا ق ش ساياحات جىلىنىڭ تابىستى بولۋىن تىلەيمىن!

 


اۋدارعان: سانيا قازەك قىزى