لي كىچياڭ مەملەكەتتىك كەڭەستىڭ بۇيىرىعىنا قول قويدى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2016-03-02 10:13:00

 


    شينحۋا اگەنتتىگىنىڭ حابارى. مەملەكەتتىك كەڭەستىڭ زۇڭليى لي كىچياڭ جۋىردا 666-ءنومىرلى مەملەكەتتىك كەڭەستىڭ بۇيىرىعىنا قول قويىپ، «مەملەكەتتىك كەڭەستىڭ ءبىر ءبولىم اكىمشىلىك زاڭ بەلگىلەمەلەرىنە وزگەرىس ەنگىزۋ جونىندەگى بەلگىلەمەنى» جاريالاپ، بەلگىلەمە جاريالانعان كۇننەن باستاپ اتقارىلادى. «بەلگىلەمەدە» 66 اكىمشىلىك زاڭ بەلگىلەمەنىڭ ءبىر ءبولىم تارماقتارىنا وزگەرىس ەنگىزىلەدى، وزگەرىس ەنگىزىلەتىن مازمۇندار مىنالاردى قامتيدى:


    كۇشىنەن قالدىرۋ جانە ۇقىقتى تومەنگە ءتۇسىرۋ نىسانى جاعىندا، 29 اكىمشىلىك زاڭ بەلگىلەمەگە وزگەرىس ەنگىزۋ ارقىلى، قوجالىق باسقارۋشىلاردى تىزىمگە الدىرۋ كاسىپتىك تولىمدىلىعىن تۇراقتاندىرۋ سياقتى 45 ءتۇرلى ءوندىرىس تيجارات قيمىلىنا قاتىستى رۇحسات ەتۋ، ساپا تولىمدىلىعىن تۇراقتاندىرۋدى تەكسەرىپ بەكىتۋ كۇشىنەن قالدىرىلادى؛ 18 اكىمشىلىك زاڭ بەلگىلەمەگە وزگەرىس ەنگىزۋ ارقىلى، ولشەمدى تەكسەرەتىندەردىڭ تولىمدىلىعىن تەكسەرىپ بەكىتۋ سياقتى 29 ءتۇرلى قاراپ بەكىتۋ نىسانىنىڭ بەكىتۋ ۇقىعىن مەملەكەتتىك كەڭەستىڭ اكىمشىلىك باسقارۋ تاراۋلارى جەرلىك حالىق ۇكىمەتتىڭ اكىمشىلىك باسقارۋ تاراۋلارىنا وتكىزىپ بەرەدى.


    ونەركاسىپ ساۋدانى اكىمشىلىك جاقتان تىزىمگە الدىرۋدا الدىمەن كۋالىك بەرىپ، سوڭىنان سپاتتاما الۋعا رەفورما جاساۋ جاعىندا، 31 اكىمشىلىك زاڭ بەلگىلەمەگە وزگەرىس ەنگىزۋ ارقىلى الەۋمەتتىك ورىندارداعى تازالىققا رۇحسات ەتۋ سياقتى 57 ءتۇرلى ونەركاسىپ ساۋدانى اكىمشىلىك جاقتان تىزىمگە الدىرۋدان ىلگەرگى بەكىتۋ ىستەرى سوڭىنان بەكىتۋگە وزگەرتىلەدى.


    باعا رەفورماسى مەن اقىنى جالپى بەتتىك تومەندەتۋ شاراسى جاعىندا، 3 اكىمشىلىك زاڭ بەلگىلەمەگە وزگەرىس ەنگىزۋ ارقىلى، ءدارى-دارمەك سياقتى 3 سالانىڭ باسەكە باعاسى اشىق ۇستالادى؛ 3 اكىمشىلىك زاڭ بەلگىلەمەگە وزگەرىس ەنگىزۋ ارقىلى، كاسىپورىنداردىڭ تىزىمگە الدىرۋ اقىسى سياقتى ەكى تۇردەن اقى الۋ كۇشىنەن قالدىرىلادى.


    سوڭعى باقىلاۋدى كۇشەيتۋ جاعىندا، اكىمشىلىك قاراپ بەكىتۋ ىستەرى قاراپايىمداستىرىپ، ۇقىقتى تومەنگە ءتۇسىرۋ، اشىق ۇستاۋ مەن باسقارۋدى بىرلەستىرۋ، قىزمەت وتەۋدى ساپالىلاندىرۋدىڭ تالابى بويىنشا، قاتىستى تاراۋلار قاراپ-بەكىتۋ نىساندارىنا تەڭشەۋ جۇرگىزگەننەن كەيىن قاتىستى قيمىلدارمەن شۇعىلدانۋعا باقىلاۋ كۇشەيتىلىپ، تيجارات قيمىلدارىنىڭ سەنىمدىلىگىن باقىلاۋ ءتۇزىمى سياقتى كۇندەلىك باقىلاۋ شارالارى كوبەيتىلىپ، اكىمشىلىك باسقارۋ تاراۋلارىنىڭ ءوز بەتىمەن تيجاراتپەن شۇعىلدانۋ قيمىلىنداعى تەكسەرىپ ءبىر جاقتىلى ەتۋ مىندەتى ايقىندالىپ، بەلگىلى شارت ازىرلەمەي، قاتىستى قيمىلدارمەن شۇعىلدانعانداردى جازالاۋ شاراسى بەلگىلەنەدى.

 


اۋدارعان: سانيا قازەك قىزى