ج ك پ ورتالىق پارتيا مەكتەبى كوكتەمگى وقۋ باستاۋ سالتىن وتكىزدى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2016-03-02 10:44:00

 
    ءوز حابارىمىز. ج ك پ ورتالىق پارتيا مەكتەبى ناۋرىزدىڭ 1-كۇنى تۇستەن كەيىن 2016-جىلعى كوكتەمگى وقۋ باستاۋ سالتىن وتكىزدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق پارتيا مەكتەبىنىڭ باستىعى ليۋ يۇنشان سالتقا قاتىناسىپ ءسوز سويلەپ مىنالاردى باسا دارىپتەدى: باسشى كادرلار باس شۋجي شي جينپيڭنىڭ جەلىلەس ماڭىزدى ءسوز رۋحىن ىشكەرىلەي ۇيرەنىپ جانە دايەكتىلەندىرىپ، ساياسي، جالپى جاعداي، ۇيتقىلىق، ورتالىقپەن ءبىر اۋىزدى بولۋ تانىمىن كۇشەيتۋ جاعىندا ۇلگى بولىپ، پارتيا ورتالىق كوميتەتىمەن ءبىر اۋىزدى بولۋدى يدەيا مەن قىزمەتتىڭ ءتۇرلى جاعىندا ايگىلەۋ ءتيىس. ليۋ يۇنشان مىنانى اتاپ كورسەتتى: پارتيا ورتالىق كوميتەتىمەن ءبىر اۋىزدى بولۋدى ۇنەمى جانە ىرىقتى تۇردە ورىنداۋ، مۇراتتى بولۋعا، پارتيالىلىققا، تارتىپكە سۇيەنۋ كەرەك. ءار دارەجەلى باسشى كادرلار مۇرات تانىمىن ارقاۋ ەتىپ، قوعامدىق يدەيالار قانشالىق الۋانداسقان سايىن، كۇردەلىلەسكەن سايىن، پارتيا دەگەن سەنىمىن دە سونشالىق كۇشەيتە ءتۇسۋ، كوممۋنيستەردىڭ جان تامىرى مەن جانىن بەرىكتەپ، جۇڭگوشا سوتسياليزم جولىنا، نازارياسىنا، تۇزىمىنە بولعان سەنىمنەن مىزعىماۋ كەرەك. پارتيالىلىققا شىنعۋدى ماڭگىلىك تاقىرىپ ەتىپ، پارتيا ىشىندەگى ساياسي تۇرمىسقا شىنعۋدى سانالىلىقپەن قابىلداپ، دەموكراتيالىق تۇرمىس سىندى وسبىر دانەكەردى ويداعىداي پايدالانىپ، پارتيانىڭ ساياسي ءتارتىبى مەن ساياسي قاعيداسىنا بويسۇنىپ، جوۋ يۇڭكاڭ، بوشيلاي، شۇي سايحۋ، گو بوشيۇڭ، ليڭ جيحۋا سياقتى ادامداردىڭ ۇنامسىز جاقتارىنان اشتى ساباق قابىلداپ، عيبىرات الىپ، ءوز ارەكەتتەرىن ءتىپتى دە ارناعا ءتۇسىرۋ كەرەك. ءار دارەجەلى پارتكومدار ورتالىقپەن ءبىر اۋىزدى بولۋدى كادرلاردى تاربيەلەۋدىڭ ماڭىزدى مازمۇنى، كادرلاردى تاڭداپ ىستەتۋدىڭ ماڭىزدى ولشەمى ەتىپ، باسشى كادرلاردىڭ يدەيا ساياسي ساپاسىن ءتىپتى دە جوعارى ورەگە كوتەرۋ كەرەك.

 


اۋدارعان: سانيا قازەك قىزى