شياڭگاڭنىڭ ونەركاسىپ-ساۋدا سالاسىنداعى قايراتكەرلەر شياڭگاڭ تۇرعىندارىن ورتالىقتىڭ رۋحىن دايەكتىلەندىرىپ، بەرەكە-بىرلىكتە بولىپ، بۇلىكتى تەز ارادا تيۋعا ۇندەدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-13 09:01:00

 

    ٴوز حابارىمىز: بىرنەشە كۇننەن بەرى شياڭگاڭنىڭ ونەركاسىپ-ساۋدا سالاسىنداعى قايراتكەرلەر شياڭگاڭ تۇرعىندارىن ورتالىقتىڭ رۋحىن دايەكتىلەندىرىپ، بەرەكە-بىرلىكتە كەلىپ، بۇلىكتى تەز ارادا تيۋعا ۇندەدى.


    شياڭگاڭداعى ساۋدا سالاسىنداعى قايراتكەرلەر بىلاي دەدى: تاياۋدا تۋىلعان زورلىقتى كۇش ۋاقيعاسى، ٴمانى جاعىنان العاندا «ٴبىر ەل، ەكى تۇزىمگە» سايىس جاريالاپ، شياڭگاڭنىڭ زاڭمەن باسقارىلۋىن اۋىر دارەجەدە ٴبۇلدىرىپ، شياڭگاڭ ەكونوميكاسىنا اۋىر سوققى بولدى. 8-ايدىڭ 7-كۇنى وتكىزىلگەن شياڭگاڭ جاعدايى جونىندەگى اڭگىمە ماجىلىستە شياڭگاڭنىڭ زورلىق-زومبىلىقتى تيىپ، ٴتارتىپتى قالپىنا كەلتىرۋگە ايقىن باعدار كورسەتىپ، سەنىمىن نىعايتتى.


    شياڭگاڭنىڭ قورا جاي سالاسى، اقىلشىلار ساۋدا قوعامىنىڭ باستىعى ساي جىجۇڭ بىلاي دەدى: ورتالىق بىزگە وتە ايقىن ينفورماتسيا بەردى، اتاپ ايتقاندا، ٴبىز مايدانىمىزدان اۋىتقىماي ەرەكشە اكىمشىلىك رايون ۇكىمەت اكىمى لينجىڭ يۋە-ىنىڭ بيلىك جۇرگىزۋىن، ساقشى جاقتىڭ زاڭ اتقارۋىن ٴىس جۇزىندىك ارەكەتىمىزبەن قولداپ، بۇزاقىلاردى ۇستاپ، زاڭ بويىنشا قاتاڭ جازالاۋىمىز كەرەك.


    شياڭگاڭنىڭ ونەركاسىپ-ساۋدا سالاسىنداعى قايراتكەر ۋ حۋانيان بىلاي دەدى: ٴبىز ورتالىقتىڭ رۋحىن ٴتۇسىنىپ، دايەكتىلەندىرىپ، ورتالىقتىڭ رۋحى بويىنشا ىستەۋىمىز، ونى ايتارلىقتاي تياناقتاندىرۋىمىز كەرەك.


    مەملەكەتتىك ساياسي كەڭەستىڭ مۇشەسى، دىچين شياڭگاڭ جوعارى دارەجەلى اقىلشىسى چىن چيڭشيا بىلاي دەدى: شياڭگاڭداعى قالىڭ قالا تۇرعىندارى، وتە-موتە وتاندى، شياڭگاڭدى سۇيەتىن كۇشتەر، ٴسوز جوق، دۇرىس پەن بۇرىستى ايقىن ايىرىپ، ٴبىر جاعادان باس ٴبىر جەڭنەن قول شىعارىپ، باتىل ٴۇن قاتىپ، ەرەكشە اكىمشىلىك رايون ۇكىمەتىنىڭ زاڭ بويىنشا بيلىك جۇرگىزۋى مەن ساقشى قوسىنىنىڭ زاڭدى قاتاڭ، كەسكىن اتقارۋىن باتىل قولداپ، اناعۇرلىم ٴونىمدى، پارمەندى شارالار قولدانىپ، زورلىقتى كۇشتەردى باتىل تەجەپ، قالىپتى ٴتارتىپتى تەز قالپىنا كەلتىرۋ كەرەك.


    شياڭگاڭ ۋانزاي ورتا باتىس رايون ونەركاسىپ-ساۋدا بىرلەستىگىنىڭ ورىنباسار ٴتوراعاسى جيان حاۋشيان بىلاي دەدى: وسى شەشۋشى ساتتە، ٴسوز جوق، شياڭگاڭدى، ەرەكشە اكىمشىلىك رايوندى كۇش سالا قولداۋىمىز كەرەك.
شياڭگاڭ ەكونوميكا-ساۋدا قوعامىنىڭ باستىعى لي شيۋحىڭ: بۇلىكتىڭ ەشكىمگە دە پايداسى جوق، بۇلىككە تيىم سالۋ توتەنشە ماڭىزدى، كەزەك كۇتتىرمەيتىن كوكەيتەستى مىندەت دەدى.

اۋدارعان: كۇلان ىرىسباي قىزى