ەل- جۇرت ەلقۇتقا كومەك قولىن سوزدى
0
2016-02-24 09:04:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىلبەك

 

جەر-جەردەن كەلىپ جىلۋ اتاۋ قيمىلىنا قاتىناسقان ءار قايسى مەيىر باعىشتاۋ توپتارى مەن جەكە كاسىپكەرلەر ۋاكىلدەر



    ىلە حالىق راديو ستانسياسىنان باقىتبەك ءجۇمادىل ۇلى، بەكتۇرسىن نۇرادىلقان ۇلى حابارلايدى. تەكەس اۋدانى قاراتوعاي اۋىلى ەشكىلىك قستاعىنداعى ءنۇسىپ باقىت ۇلى 2014- جىلى جەلتوقسان ايىندا ءبىر ۇلدى بولادى. وكىنىشكە وراي بۇل نارەستە تەكەس اۋداندىق حالىق ەمحاناسىندا تۋىلعاندا ۇلكەن دارەت جولى بىتەۋ ەكەن. سونىمەن اۋداندىق ەمحانا بۇل بالانى ىلە وبلىستىق دوستىق ەمحاناسىنا جوتكەپ، دەر كەزىندە بالانىڭ انوس جولىن اشۋ وپەرەتسياسى جاسالادى. وپەرەتسيا بارسىندا دارىگەرلەر بالانىڭ انوس جولىن اشۋدىڭ كۇردەلىلىگى ونىڭ ۇستىنە بۇنداي كەمدىكتى ءبىر رەتكى وپەرەتسيامەن تۇبەگەيلى ساۋىقتىرۋ قيىن ەكەندىگىن مولشەرلەپ، بالانىڭ قۇرساق سىرتىنا ۋاقىتتىق ۇلكەن دارەت شىعىپ تۇراتىن قالتاشا ورناتىپ بەرىپ، ۇرىمجىگە جوتكەيدى.


    سودان بەرى ەلقۇت اتتى وسى نارەستەگە شينجياڭ مەدەتسينا داشۋەسىنە قاراستى ەمحانادا ىلگەرىندى- كەيىندى 4 رەت انوس جولىن اشۋ وپەرەتسياسى جاسالادى. بالاسىن ەمدەتۋ بارسىندا نۇسىپ وتباسى اۋدان، اۋىلداعى قاتىستى تاراۋلاردىڭ ەكونوميكالىق كومەگىنە يە بولعان بولسادا، ازناۋلاق مالعا قاراپ كۇنەلتىپ وتىرعان ءال اۋقاتى شىركىن-اي ەمەس وتباسىنا «تاس تۇسكەن جەرىنە اۋىر دەگەندەي» وسى 4 رەتكى وپەرەتسيانىڭ شىعىنى وڭاي بولمايدى. ول بار مالىن ساتىپ، الىس جۋىققا قارىزدانىپ، 400 مىڭ يۋاننان ارتىق اقشا جۇمساپ، تاقىر جەرگە وتىرىپ قالعانداي قالگە تۇسەدى. ەمحانانىڭ ورنالاسترۋى بويىنشا ەلقۇتقا بيىل انوس جولىن اشۋدىڭ ەڭ سوڭعى وپەرەتسياسىن جاساۋ قاجەت ەكەن. وسىنداي جاعدايدا نۇسىپ ىلە حالىق راديو ستانسياسىنا تەلەپون شالىپ، بالاسىن 5- رەتكى وپەرەتسياعا اپارۋعا قولىندا كوك تيىنى جوق بولىپ، امالى تاۋسىلىپ داعدارىپ وتىرعان حال- جاعدايىن باياندايدى. سونىمەن ىلە حالىق راديو ستانسياسىنىڭ قازاق راديوسى باسى بولىپ، اۋە تولقىنى مەن ۇنحات تەكشەسى ارقىلى قوعامداعى مەيىربان جاندار توپتارى مەن جاناشىر ادامدارعا ەلقۇتقا كومەك بەرۋ جوىنىندە ۇندەۋ كوتەرگەن بولاتىن. وتە- موتە قازاق راديوسىنىڭ «ەلقۇتقا كومەكتەسەيىك ەل- جۇرتىم» اتتى ارناۋلى باعدارلاماسى تاراتىلعاننان كەيىن قوعامدا كۇشتى اڭىس قوزعاپ، كوپتەگەن جاناشىر جاندار باعدارلامانىڭ ىستىق لەنيالى تەلەفونىنا قاتىسىپ، وزدەرىنىڭ جاس نارەستەگە مەيىرلەرىن باعىشتاپ، كوزى جىلتىراپ ازاپقا توزىپ جاتقان باۋىر ەتتەرىن قۇتقارىپ قالۋعا بارىن سالىپ جاتقان قايسار اتا- اناعا مەدەت بەرەتىنىندىكتەرىن ءبىلدىردى.


    مىنە وسىلاي 19- اقپان كۇنى تۇستەن كەيىن ىلە حالىق راديو ستانسياسىنىڭ جيىن زالىندا دابىرالى مەيىر باعىشتاۋ قيمىلى وتكىزىلدى. بۇل قيمىلعا ىلە حالىق راديو ستانسياسىنداعى قازاق، حانزۋ، ۇيعۇر، قۇيزۋ، سىبە قاتارلى بەس ۇلتتان قۇرام تاپقان بارلىق قىزمەتكەرلەر مەن قوعامنىڭ ءار سالاسىنان كەلگەن جاناشىر جاندار بولىپ 300 دەن ارتىق ادام جينالدى. بۇلاردىڭ اراسىندا «ىلەدەگى مەيرىمدى جاندار ۇيىمى»، « اققۋ قور قوعامى»، ىلە وبلىسىنداعى «مەيىربان انالار قور قوعامى»، ماناس اۋدانىنداعى «بىرلىك قور ۇيىمى»، «شينجياڭ پانا يگىلىك قور توبىنىڭ» توعىزتاراۋ، تەكەس اۋداندارىنداعى بولىمشەلەرى، بۇراتالا وبلىسىنداعى مەيرىمدى جاندار ، ىلە وبلىستىق 1- ورتا مەكتەپ جانە « اق بەسىك مەيىربان انالار قور قوعامى» سياقتى جەر- جەردەگى ونشاقتى مەيىربان جاندار ۇيىمدارىمەن قايىر ساحابات ورىندارىنىڭ، جەكە كاسىپكەرلەردىڭ ۋاكىلدەرى بار. وسى رەتكى قيمىلدا «كوپ تۇكىرسە كول بولار» دەگەن اتالى سوزدىڭ كۋاسىنداي ناق مايداندا 155 مىڭ يۋان قارجى توپتالدى. قىيمىلعا كەلىپ قاتىناسا الماسادا، وسى رەتكى قيمىلدى قولداپ ءوز جەرلەرىندە جينالعان اقشالاردى بانكە ەسەپ ءنومىرى ارقىلى قيمىل سوڭىنان جولداپ بەرگەندەردىكىن قوسقاندا سول كۇنى ەلقۇتقا جالپى 220 مىڭ يۋان قومەك قاراجات جينالدى. بۇنىڭ سىرتىندا ۇرىمجىدەگى جەكە كاسىپكەر جارقىن بەكتۇرعان ۇلى قيمىل ءوتىپ جاتقاندا تەلەپون شالىپ، وزىنىڭ ىلە حالىق راديو ستانسياسىنىڭ ۇنحات تەكشەسىنەن ەلقۇتتىڭ جاعداينان حابار تاۋىپ، ماڭىنداعى اق كوڭىل ازاماتتاردى اتتانىسقا كەلتىرىپ 50 مىڭ يۋان قارجى جيناعاندىعىن، ونى ەلقۇت ۇرىمجىگە ەمحاناعا بارعاندا الدىنان شىعىپ، ەمحاناعا ورنالاستىرىپ، قارجىنى ەمحاناعا تولەيتىندىگىن جەتكىزىپ، جينالعان جۇرتتى اسەرلەندىردى. قاراورمانداي حالقىنىڭ قولداپ، مەدەت بەرۋىندە جۇگى جەڭىلدەپ، قام- قايعىسىنان ارىلعانداي بولعان ءنۇسىپ كوز جاسىن كولدەتە وتىرىپ، حالقىنا، جاناشىر جاندارعا العىسىن جاۋدىرىپ، ىلە حالىق راديو ستانسياسىنا العىس كەرمە تۋىن ۇسىنىپ، جينالعان قارجىنى ناق مايداندا تاپسىرىپ الىپ، بالاسىن ەمحاناعا اپارۋعا قامدانىۋعا اۋىلىنا قايتتى. كەلەسى بەتتەن باستاپ جىلۋ اتاۋ قيمىلىنان كورىنىستەر. (سۋرەتتەرىن تۇسىرگەن: باقىتبەك ءجۇمادىل ۇلى)

125.jpg
未标题-1.jpg
121.jpg
未标题-1.jpg
118.jpg