بەيجيڭ تەمىر جول تاسىمال سوتى مالايسيا اۆياتسياسىنىڭ MH370 -ءنومىرلى ايروپلانداعى دەرەكسىز كەتكەن جولاۋشى وتب
0
2016-02-27 22:37:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىلبەك

 


    شينحۋا اگەنتتىگىنىڭ حابارى. ءتىلشى اقپاننىڭ 26-كۇنى بەيجيڭ قالالىق جوعارى دارەجەلى حالىق سوت مەكەمەسىنەن مىنانى ۇعىستى: جۋىردا، بەيجيڭ تەمىر جول تاسىمال سوتى مالايسيا اۆياتسياسىنىڭ MH370-ءنومىرلى ايروپلانىنداعى دەرەكسىز كەتكەن ۋاڭ فاميليالى جولاۋشىنىڭ وتباسىنداعىلار مالايسيا اۆياتسيا سەرىكتىگىنە اۋە تاسىمال باس اماندىعى زيانكەستىككە ۇشىراۋ جاۋاپكەرشىلىك تالاس دەلوسىنا شاعىم ايتا كەلىپ، زاڭ بويىنشا دەلو تۇرعىزۋعا تىزىمدەلگەن.


    تالاپكەر مىناداي ارىز بەرگەن: ۋاڭ فاميليالى جولاۋشى 2014-جىلى 8-ناۋرىز كۇنى تاڭەرتەڭ مالايسيا اۆياتسياسىنىڭ MH370 -ءنومىرلى جولاۋشىلار ايروپلانىنا وتىرىپ، جۇڭگوعا قايتقان جولىندا، كەزەكشى ايروپلان دەرەكسىز كەتكەن. 2015-جىلى 8-ناۋرىز كۇنى مالايسيا اۆياتسياسى وتباسىنداعىلارعا اۋە شىرعالاڭى دەپ ۇقتىرعان. مونترەال شارتى مەن قاتىستى زاڭ بەلگىلەمەگە ساي، مالايسيا اۆياتسيا سەرىكتىگىنەن اۋە شىرعالاڭىنا قاتىستى تولەمنەن جالپى 4 ميلليون 700 مىڭ يۋاندى ۇستىنە الۋدى تالاپ ەتكەن. كەزەكتە وسى دەلو ىشكەرىلەي قارالۋدا.


    ءتىلشىنىڭ ۇعىسۋىنا قاراعاندا، «مونترەال شارتىنىڭ» 35-تارماعىنىڭ بەلگىلەمەسىنە ساي، اۆياتسيا كولىگى ماقساتتى جەرگە جەتكەن كۇننەن باستاپ، ماقساتتى جەرگە جەتكىزىلگەن كۇننەن باستاپ نەمەسە تاسىمال توقتاعان كۇننەن باستاپ ەكى جىل ىشىندە ارىز-شاعىم بەرمەسە، زيانىن تولەپ بەرۋ ۇقىعىنان ايىرىلادى. سوندىقتان، مالايسيا اۆياتسياسىنىڭ MH370-ءنومىرلى كەزەكشى ايروپلانىنداعى دەرەكسىز كەتكەن جولاۋشىلاردىڭ وتباسىنداعىلار 2016-جىلى 8-ناۋرىزدان بۇرىن زياندى تولەم ەتۋ ارىز-شاعىم بەرۋ ءتيىس، ۇيتپەگەندە زيانىن تولەپ بەرۋ ۇقىعىنان ايىرىلادى.

 


اۋدارعان: سانيا قازەك قىزى 
 


138.jpg
135.jpg
134.jpg
137.jpg
未标题-1.jpg