ەۆروپاداعى كوپتەگەن ەل ورتا-باستاۋىش مەكتەپ وقۋشىلارىنىڭ قولفون ىستەتۋىن شەكتەدى
0
2018-07-18 14:36:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :


ەلەكتروندى ونىمدەردىڭ جالپىلاسۋىنا ىلەسە وقۋشىلاردىڭ قولفون نەمەسە iapd ويناۋى بىرتىندەپ مەكتەپ جانە اتا-انالاردىڭ ورتاق ٴدوپ كەلگەن ٴتالىم-تاربيە تاقىرىبىنا اينالدى. وسپىرىمدەردىڭ اراسىندا قولفونعا بەرىلەتىندەر كوبەيۋدە. ورتا-باستاۋىش مەكتەپ وقۋشىلارىنىڭ كوبى مەكتەپتە ەكىنىڭ بىرىندە قولفون ىستەتىپ، بۇل ولاردىڭ ۇيرەنۋى مەن تۇرمىسىنا بەلگىلى ىقپال تيگىزدى. قولفون سياقتى ەلەكتروندى ونىمدەردىڭ ورتا-باستاۋىش مەكتەپ وقۋشىلاردىڭ اقاۋسىز ەسەيىپ-ەرجەتۋىنە بولعان كەسىرىن قايتكەندە باسەيتۋگە بولادى؟-دەگەن ماسەلەنى قوعام ٴار جاعىنداعىلار بىرلىكتە قۇلشىنا شەشۋى كەرەك.


گەرمانيانىڭ وسىدان بۇرىن جاريالاعان ٴبىر تۇردەگى زەرتتەۋ ناتيجەسىنەن مىنالار بەلگىلى بولدى: ەلەكتروندى ونىمدەرگە يەك ارتۋ مولشەرى تومەن ەلدەردەن-گەرمانيا، گوللانديا، بەلگيا، كانادا جانە رەسەي قاتارلىلار بار. الايدا ەلەكتروندى ٴونىم تۇتىنۋشىلارىنىڭ جاس قۇرامى تومەندەۋىنە بايلانىستى بەلگيادا ورتا-باستاۋىش مەكتەپ وقۋشىلارىنىڭ ەلەكتروندى ونىمدەرگە قۇمارتاتىن ٴجايىتى بەلەڭ بەرە باستادى. بەلگياداعى اتا-انالاردىڭ كوپ ساندىسى بالالارىنىڭ ەلەكتروندى ويىنعا بەرىلۋىنە باس قاتىرۋدا، وسى اتا-انالار ەلەكتروندى ويىنداردى «جۇمساق ەسىرتكى» دەپ، وسى ويىندى تاپقىرلاۋشىلاردى «ەسىرتكى قىلمىستىلارى» دەپ اتادى.


انگليا مەديالارى مىناداي قورىتىندى جاسادى: ورتا-باستاۋىش مەكتەپ وقۋشىلارى مەكتەپتەگى كەزىندە قولفون ىستەتسە باستىسى مىناداي 3 ٴتۇرلى زيانى بار.


بىرىنشىدەن، توراپ ويىنى بالانىڭ زەيىن-زەردەسىن سارقىپ، اقاۋسىزدىعىنا كەسىرىن تيگىزەدى. ماسەلەن، «قورعانداعى ٴتۇن» اتىنداعى توراپ ويىنى قازىر انگلياداعى ورتا-باستاۋىش مەكتەپ وقۋشىلارى اراسىندا مودى بولۋدا، وسىدان قىرۋار بالا اسقا تابەتى تارتپاي، كوزدەرىنىڭ استى كوگەرىپ ٴجۇردى.


ەكىنشىدەن، كوپتەگەن مەكتەپ، وقۋشىلار قولفون الىپ ساباقحاناعا كىرسە ساباققا بولعان نازارىن بولەدى، دەپ الاڭداۋدا. سپاتتان مىناۋ بەلگىلى بولدى: وقۋشىلار قولفونىن سومكاسىنا سالعان كۇننىڭ وزىندە نازارىن بولگەن.


ۇشىنىشىدەن، كەيبىر وقۋشىلار توراپتاعى الەۋمەتتىك قارىم-قاتىناس دانەكەرىنە اڭسارى اۋىپ، ناقتى ومىردەگى الەۋمەتتىك قارىم-قاتىناستى ەسكەرمەي بارادى. قولفون ٴىشىنارا وقۋشىلاردىڭ ساباقتان سىرتقى ۋاقىتتا كوپشىلىكپەن ارالاسۋىنا توسالعى بولعان، بۇدان وسى وقۋشىلار دۇرىس الەۋمەتتىك قارىم-قاتىناس ٴتاسىلى مەن الەۋمەتتىك قارىم-قاتىناستىڭ ەڭ نەگىزگى ٴجون-جوسىنىن يگەرە المادى.
ەلەكتروندى ونىمدەر مەن ينتەر تورابىنان ورىندى پايدالانباسا ٴبىر قىدىرۋ ناشار ٴجايت كەلىپ شىعادى. 2016-جىلى قازان ايىندا، 16 جاستاعى گرەتسيالىق ٴبىر بويجەتكەن مەكتەپ اۋلاسىندا باسقىنشىلىققا ۇشىرايدى، بۇل احۋالدى ونىڭ ساباقتاسى قولفون كەسكىنىنە ٴتۇسىرىپ سوڭىنان دانەكەر ارقىلى جاريالاعان، وسى ٴجايت تۇتاس گرەتسيا قوعامىن دۇرلىكتىرىپ، قىز بالا دەنە جاعىنان عانا ەمەس، رۋحاني جاقتان دا اۋىر سوققىعا ۇشىرايدى. گرەتسيانىڭ وقۋ-اعارتۋ سالاسى مەن پسحيكا ماماندارى، ناشار پيعىلداردى كەسكىنگە تۇسىرۋدەن وقۋشىلار اراسىندا بىلىقپالىق تۋىلادى جانە جاماندىق جاعىندا باسەكەلەسىپ، وسى تەكتەس ۋاقيعالار تولاستامايدى،-دەپ قارادى.


مۇنان سىرت، ەلەكتروندى ونىمدەردەن تۋىنداعان جەكەلەردىڭ قۇپيالىق حاۋىپسىزدىگى ماسەلەسى دە ادامداردى الاڭداتۋدا. كەيبىر جاستار الەۋمەتتىك دانەكەردە جۇرت نازارىن اۋدارۋ ٴۇشىن تۇرپايى ارەكەتتەر كورسەتكەن ٴيا بولماسا اشىق-شاشىق كيىنگەن. اتا-انالار مەن مەكتەپتەر وقۋشىلاردىڭ الەۋمەتتىك قارىم-قاتىناس دانەكەرىندەگى احۋالىنا نازار اۋدارعانى ٴجون.


ەلەكتروندى ونىمدەردىڭ وقۋشىلاردىڭ ەسەيىپ-ەرجەتۋىنە تيگىزەتىن كەسىرىن ازايتۋ ٴۇشىن كوپتەگەن ەل ىستەتىلۋىن شەكتەۋ شاراسىن قولداندى. يتاليا وقۋشىلاردىڭ ساباقحانادا قولفون ىستەتۋىنە تيىم سالعان ەۆروپا بويىنشا تۇڭعىش ەل، سوناۋ 2007-جىلدىڭ وزىندە-اق مەملەكەت بويىنشا تيىم سالۋ بۇيرىعىن جاريالاپ، مەكتەپتە قاعيداعا قايشى قولفون ىستەتكەن وقۋشى بايقالىپ، ٴناسيحاتتى تىڭداماسا مەكتەپ جاعى سيپاتىنىڭ اۋىر-جەڭىلدىگىنە قاراي قولفونىن ٴمۇسادىرالايدى ٴيا بولماسا ماۋسىم سوڭىنداعى ەمتيحانعا قاتىناسۋ تولىمدىلىعىن كۇشىنەن قالدىرادى.

00.jpg
00.jpg
00.jpg
00.jpg
企业微信截图_20180716181316.jpg