جۇڭگودان يتالياعا باراتىن وقۋشىلاردىڭ سانى ۇزدىكسىز ارتتى
0
2018-07-18 14:41:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :

    يتاليا ۋنيۆەرسيتەت بىرلەستىگى جاريالاعان ەڭ جاڭا تەكسەرۋگە قاراعاندا، جاقىنعى جىلدارى يتالياعا بارىپ وقيتىن وقۋشى سانى تەز قارقىنمەن ارتقان، بۇنىڭ ىشىندە جۇڭگولىق وقۋشى سانىنىڭ ارتۋى ٴبىرشاما كورنەكتى بولىپ، كوركەمونەر كاسىبى يتالياعا بارىپ ٴبىلىم اسىراتىن جۇڭگولىق وقۋشىلاردىڭ ەڭ قىزىعاتىن كاسبىنە اينالعان.


    شارۋاشىلىق سەلبەستىگى جانە دامۋ ۇيىمى جاريالاعان دۇنيەدەگى ٴار قايسى ەلدەگى ۋنيۆەرسيتەتتىڭ باۋراۋ قۋاتى تىزىمدىگىندە يتاليا 8-قاتاردا تۇردى. يتاليا ۋنيۆەرسيتەت بىرلەستىگى ۇيىمىنىڭ ٴتوراعاسى، بولونيا ۋنيۆەرسيتەتتىڭ بۇرىنعى باستىعى ايۆىن.ديونيجي بىلاي دەدى: يتاليانىڭ باۋرۋ قۋاتىنىڭ بارعان سايىن ارتۋىنداعى باستى سەبەپتىڭ ٴبىرى-ا ق ش، انگىليا سىندى ەلدەرگە ۇيرەنۋگە بارۋمەن سالىستىرعاندا يتالياعا كەلىپ وقۋدىڭ وزىندىك قۇنى ٴبىر شاما تومەن.


    يتاليا مەديالارى بىلاي دەدى: جاقىنعى 10 جىلدان بەرى، كوركەمونەر كاسىبىندە ايتا قالسىن باسىمدىلىققا يە يتاليا جۇڭگولىق وقۋشىلار مەن اتا-انالارعا بىرتىندەپ تانىلا باستالدى. 2006-جىلى جۇڭگولىق وقۋشىلار سانى جالپى شەتەلگە شىعىپ وقيتىن وقۋشى جالپى سانىنىڭ %1 ىن عانا يەلەيتىن، قارىز بۇل %9.2 كە جەتتى. جۇڭگونىڭ يتاليادا تۇراتىن باس ەلىشىلىگىنىڭ ساندى مالىمدەتىنە قاراعاندا، كەزەكتە 20 مىڭ جۇڭگولىق وقۋشى يتاليادا ٴبىلىم اسىرۋدا.


    يتاليا وقىتۋ ورتالىعىنىڭ ساندى مالىمەتىنەن 2017-جىلى يتاليادا وقۋدا جۇرگەن جۇڭگولىق وقۋشىلاردىڭ سانى ەۆروپا وداعىنان تىس ەلدەردەن يتالياعا وقۋعا كەلگەن وقۋشىلار جالپى سانىنىڭ %24 ىن يەلەپ، شەتەلدەن وقۋعا كەلگەن وقۋشىلاردىڭ ماڭىزدى قۇرامىنا اينالعاندىعىن كورۋگە بولادى. ميلانگ جاراتىلىستىق عىلىمدار ۋنيۆەرسيتەتى، تۋرين جاراتىلىستىق عىلىمدار ۋنيۆەرسيتەتى، ميلانگ ۋنيۆەرسيتەتى سىندى جوعارى مەكتەپتەردە وقيتىن جۇڭگولىق وقۋشى سانى ەڭ كوپ بولىپ، بۇنىڭ ىشىندە ينجەنەريا، قۇرىلىس، ادەبي ٴتىل، كوركەمونەر سىندى كاسىپتەر جۇڭگولىق وقۋشىلاردىڭ قىزۋ قولداۋىنا يە بولادى. ٴتىپتى دە كوپ جۇڭگولىق وقۋشىلاردى ەمتيحان بەرۋگە باۋراپ، ولارعا قولايلىق جاراتۋ ٴۇشىن، بولونيا ۋنيۆەرسيتەتى مەن پيزا ۋنيۆەرسيتەتىن قامتىعان كوپتەگەن جوعارى مەكتەپتەر جۇڭگوشا توراپ بەكەتىن اشتى.


    جۇڭگونىڭ يتاليادا تۇراتىن ەلشىلىگى وقىتۋ ٴبولىمىنىڭ اقىلشىسى لو پيڭ تىلشىگە بىلاي دەدى: كەزەكتە جۇڭگولىق وقۋشىلاردىڭ يتالياعا كەلىپ وقۋىنا ادەتتەگى حالقارالىق وقۋشى، «ماركوپولو» جوباسى مەن «تۋراندت» جوباسى سىندى ٴۇش جول اشىلعان. «ماركوپولو» جوباسى مەن «تۋراندت» جوباسى يتاليانىڭ جۇڭگولىق وقۋشىلاردىڭ يتالياداعى ۋنيۆەرسال ۋنيۆەرسيتەت پەن كوركەمونەر تۇرىندەگى مەكتەپتەردە وقۋىنا قولايلىق جاراتۋ ٴۇشىن جەكە-جەكە جاساعان بەي ۇكىمەت ارا جوباسى بولىپ، بۇل جوباعا قاتىناسقان مەكتەپتەر جۇڭگولىق وقۋشىلارعا وقۋ جانە ىشكەرلەي وقۋ ورايىن جاراتىپ بەرەدى.


    يتاليا قۇرىلىس، جاڭا ۇلگىدەگى كيىم-كەشەك، كوركەمونەر، اسەمونەر، وپەرامەن دۇنيەگە تانىمالى، كوركەمونەر مەكتەپتەرىنىڭ وسى نەگىزدە قۇرعان كاسىپتەرى وسى زامان ۇلگىسى مەن ەجەلگى وركەنيەتتى ۇشتاستىرعان. مىنە بۇل جاقىنعى جىلدارى جۇڭگولىق وقۋشىلاردىڭ يتالياعا قىزىعۋىنداعى ماڭىزدى سەبەپ بولدى. يتاليا وقىتۋ ورتالىعىنىڭ ساندى مالىمەتىنە قاراعاندا، 2017-جىلى يتاليانىڭ اسەمونەر مەكتەبىندە وقيتىن جۇڭگولىق وقۋشىلار سانى سىرت ەلدەن كەلگەن وقۋشىلار سانىنىڭ 4 تەن 3 ىن، مۋزيكا مەكتەبىندەگى جۇڭگولىق وقۋشىلار سانى سىرت ەلدەن كەلگەن وقۋشىلار سانىنىڭ تەڭ جارىمىن يەلەگەن.


    بۇرىن يتاليادا كيىم-كەشەك جوباسىن ۇيرەنگەن لىڭ فىن بىلاي دەدى: يتاليانىڭ كيىم-كەشەك جوباسى كاسىبى دۇنيە بويىنشا الدىڭعى قاتاردا تۇرادى، ميرانگتا جاقىندا تۇرىپ عانا ەڭ جاڭا، ەڭ تەز ينفورماتسيانى قابىلداي الاسىز، ول سىزگە جاسامپازدىق شابىت پەن يدەيالىق تىڭ تانىم سيلايدى. كوپتەگەن جۇڭگولىق وقۋشىلارمەن ۇقساس، بۇل مەنىڭ يتاليانى تالداۋداعى ماڭىزدى سەبەبىم.


    سونىمەن بىرگە، شەتەلگە شىعىپ وقۋدان بۇرىنعى باعالاۋدا اسا ماڭىزدى. لو پيڭ: جۇڭگولىق وقۋشىلار يتالياعا وقۋعا باراردان بۇرىن الدىن الا زەرتتەۋ جۇرگىزىپ، ٴار مەكتەپتىڭ قاتىستى ساياساتتارىن ٴتۇسىنىپ، ٴوزارا سالىستىرىپ كورىپ، بايسالدى دا اقىلدىقپەن تالعام جاساۋى كەرەك،-دەگەن ەسكەرتۋ بەردى. كەزەكتە، جۇڭگولىق وقۋشىلار يتاليا ٴتىلىن بىلمەيتىن نەگىزدە دە ۆيزاسىن الىپ، يتاليانىڭ مەكتەپتەرىنە تىزىمدەلە الادى. دەسەدە، يتالياعا بارعاننان كەيىن ٴتىل ۇيرەنۋى قاجەت ٴارى يتاليا تىلىنەن كۋالىك ەمتيحانىنا جانە كاسىپتىك وقۋعا ٴتۇسۋ ەمتيحانىنا قاتىناسۋى كەرەك. «ماركوپولو» جوباسى جانە «تۋراندت» جوباسىمەن يتالياعا وقۋعا باراتىن وقۋشىلار وقۋعا تۇسۋدەن بۇرىنعى بارلىق مۇمكىندىك پەن وقۋعا تۇسكەننەن كەيىن كەزىگەتىن بارلىق قيىنشىلىقتار جونىندە تولىق يدەيالىق دايىندىق جاساۋى كەرەك.


    يتاليا سىرتقى ىستەر مينيسترلىگى مەملەكەت جۇيەسىن جالپىلاستىرۋ مەڭگەرمەسىنىڭ باستىعى دىلۋكا بىلاي دەدى: ٴتىپتى دە ۇزدىك جۇڭگولىق وقۋشىلاردى يتاليادا وقۋعا باۋراۋ ٴۇشىن، يتاليا الدا جۇڭگولىق وقۋشىلارعا ٴتىپتى دە مول وقۋ سيلىق قاراجاتى مەن اناعۇرلىم كوپ كاسىپ تالداۋىنا مۇمكىندىك جاراتادى، سونىمەن بىرگە قازىرگى ساقتالعان ساباقتى وزگەرتۋ، ٴتىل قابىلەتىنە قويىلعان تالاپتىڭ ٴبىر كەلىكسىزدىگى سىندى ماسەلەلەردى شەشەدى.

00.jpg
00.jpg
00.jpg
00.jpg
企业微信截图_20180716181316.jpg