ادام تۇسىنىگىن قالاي وزگەرتۋگە بولادى؟
0
2018-07-19 08:55:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :ايناگۇل

1. بارىنە بىردەي العىس ءبىلدىرىڭىز. جاقسىلىققا دا، جاماندىققا دا، سۇمدىققا دا. ۇيتكەنى ءومىردىڭ ءوزى سىزگە باعا جەتپەس سىيلىق ەكەنىن ەستەن شىعارماڭىز. ال ءلاززات پەن اۋىرتپاشىلىق سول ءومىر جولىنداعى كەدەرگىلەر.


2. تۇسىنىگىڭىزدى وزگەرتىڭىز، سوندا ءسىزدىڭ ءومىرىڭىز دە وزگەرەدى. قورقىنىش، اشۋ، رەنىش سەكىلدى كەزدەردە ۋاقيعاعا باسقا بۇرىشتان قاراڭىز.

 

3. ءار جەڭىسىڭىزدى تويلاڭىز. ءتىپتى كىشكەنتاي بەلەستى باعىندىرساڭىز دا ەلەۋسىز قالدىرماڭىز.


4. العا قويعان ارماندارىڭىز بەن ماقساتتارىڭىزعا قول جەتكىزۋ ءۇشىن اينالاڭىزعا مۇقيات ءمان بەرىڭىز. ۇيتكەنى ءومىر وتە قىزىق نارسە. جۇرە بەرسەڭىز، كورە بەرەسىز. ەڭ باستىسى ەرىنبەي ەڭبەك ەتە ءبىلۋ كەرەك.


5. ءار ادام ءبىزدىڭ ومىرىمىزگە بەلگىلى ءبىر ويمەن كەلەدى. ال ول كەلگەن ويمەن ءبىز كەلىسەمىز بە، كەلىسپەيمىز بە ءوزىمىز بىلەمىز. ونىڭ ءبىزدىڭ ومىرىمىزدەگى رولىنە بايلانىستى شەشىم قابىلدايمىز.

 

6. ءوز-وزىڭىزگە سەنىڭىز. قانداي اۋىر كۇندەر كەلسە دە، جەڭىپ شىعاتىنىڭىزعا سەنىمدى بولىڭىز. ءبارى دە ويداعىداي بولادى.


7. بارلىعىن بىردەن جۇرەككە جاقىن قابىلداماڭىز. ءباز بىرەۋلەردىڭ ءىس-ارەكەتتەرى وزدەرىنىڭ ومىرىنەن حابار بەرەدى. سوندىقتان ونىڭ سىزگە ەشقانداي قاتىسى جوق.


8. تابيعات دەرتىڭىزگە داۋا بولادى. تازا اۋادا سەرۋەندەۋ نەمەسە ادەمى پەيزاجداردىڭ كورىنىسى باسىڭىزداعى ارتىق ويلاردىڭ بارىنەن ارىلۋعا كومەكتەسەدى جانە كوڭىل-كۇيىڭىزدى كوتەرەدى. 9. بىرەۋگە رەنجۋلى ادام ءسىزدى دە رەنجىتۋى مۇمكىن. ءبىراق ءبارىبىر ونى جاقسى كورىڭىز.


10. ساۋىعۋ ءۇشىن ونى سەزىنۋ كەرەك. ءوزىڭىزدىڭ قورقىنىشىڭىز بەن وسال تۇستارىڭىزدى جاسىرماڭىز. شىندىقتىڭ كوزىنە تۋرا قاراۋ وتە قيىن. ءبىراق ونىڭ سىزگە پايداسى مول.


11. ءاردايىم دۇرىس جولمەن جۇرە بەرسەڭىز دە جالىعىپ كەتۋىڭىز مۇمكىن. سوندىقتان جىبەرگەن قاتەلىكتەرىڭىزدى ەسكە ءتۇسىرىپ، ەڭسەڭىزدى تۇسىرمەڭىز. باسىڭىز امان بولسا، ءبارى دە جاقسى بولادى.


12. اينالاڭىزدىڭ ءبارىن اينا دەپ ەلەستەتىڭىز. ءسىز بىرەۋدى جاقسى كورەسىز، دەمەك، ءوزىڭىزدى دە جاقسى كورەسىز. ەگەر بىرەۋ ءسىزدى رەنجىتسە، وندا ءسىز ءوز-وزىڭىزگە دۇرىستاپ قاراۋىڭىز كەرەك.

13. وزگەنىڭ كوڭىلىنە قاراپ، باقىتتى قىلۋ وڭاي نارسە ەمەس. بۇل ومىردە تاۋەكەلگە بارۋىڭىز كەرەك. ىشتەي!

00.jpg
00.jpg
00.jpg
00.jpg
00.jpg