ينفورماتسيا اشكەرەلەۋ: mzjubao@cnr.cn

ماڭىزدى حابارلار

ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى جەتى قاراقشى 3 – ءنومىرلى جەر شارى جاساندى سەرىك باعدار سىلتەۋ جۇيەسىنىڭ ىسكە قوسىلۋىنا قۇتتىقتاۋ تەلەگرامماسىن جولدادى

来源:جۇڭگو قازاق رايو تورابى     |责编:达吾力别克 |     发布日期: 2020-08-01 17:50

ءوز حابارىمىز. ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى 7-ايدىڭ 31-كۇنى جەتى قاراقشى 3 ـ ءنومىرلى جەر شارى جاساندى سەرىك باعدار سىلتەۋ جۇيەسىنىڭ سالىنىپ ءبىتىپ ىسكە قوسىلعاندىعىنا قۇتتىقتاۋ تەلەگرامماسىن جولدادى.


قۇتتىقتاۋ تەلەگرامماسىندا بىلاي دەلىنگەن: جەتى قاراقشى 3 ـ ءنومىرلى جاساندى سەرىك باعدار سىلتەۋ جۇيە قۇرىلىسى باستالعاننان بەرى، زەرتتەۋگە، قۇرۋعا قاتىناسقان ورىندار مەن بارلىق جولداستار باستان ـ اياق عارىش ىستەرىنىڭ وتان ءۇمىتىن اقتاۋ، عىلىم ـ تەحنيكادا قۇدىرەتتى ەل بولۋ بورىشىنا مۇراگەرلىك ەتتى. ىنتىماقتاسا سەلبەسىپ، قايسارلىقپەن شايقاس جاساپ، ءبىر جاعادان باس، ءبىر جەڭنەن قول شىعارىپ جاڭالىق جاراتىپ، قيىنشىلىقتاردى جەڭىپ، ىندەت اسەرىن ءساتتى جەڭىپ، جۇيە قۇرىلىسىن كۇنى بۇرىن تامامدادى. ەلىمىز دەربەس، ءوز-وزىنە قوجايىن بولاتىن، اشىق ءارى سيىسىمدى جەر شارى جاساندى سەرىك باعدار سىلتەۋ جۇيەسىن قۇردى، ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى سىزدەردەن شىنايى حال سۇرايدى!


جەتى قاراقشى 3 ـ ءنومىرلى جاساندى سەرىك باعدار سىلتەۋ جۇيەسىنىڭ قۇرىلىپ ىسكە قوسىلۋى-ەلىمىزدىڭ عىلىم تەحنيكا شىڭىنا شىعىپ، عارىش ىستەرىندە قۇدىرەتتى ەلگە قادام تاستاۋىنىڭ ماڭىزدى بەلەسى. ەلىمىزدىڭ دۇنيە ءجۇزى بويىنشا الەۋمەتتىك قىزمەت وتەۋ نەگىزدىك قۇرىلعىلار قۇرىلىسى ءۇشىن قوسقان زور ۇلەسى، جۇڭگوشا سوتسياليزمنىڭ جاڭا داۋىرگە قادام تاستاۋداعى ماڭىزدى ستراتەگيالىق جەتىستىگى، ءار ۇرپاق عارىشكەرلەردىڭ تابان ەت، ماڭداي تەرى سىڭگەن، جۇڭحۋا ۇلتىنىڭ تالىقپاي تالپىنۋ قاسيەتى ۇيىستىرىلعان بۇل جۇيە ەلىمىزدىڭ سوتسياليستىك وسىزامانداندىرۋ قۇرىلىسىن ىلگەرىلەتۋدە جانە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدە كەلەلى دە تەرەڭ مانگە يە. بۇل ءبىزدىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، جاڭاشا مەملەكەت قۇرۋ ءتۇزىلىسى باسىمدىعىن تولىق ساۋلەلەندىرىپ، جۇڭگوشا دەربەس جاڭالىق اشۋ جولىمەن بۇلجىماي ءجۇرىپ، جاڭا جورىقتا قول جەتكىزگەن تاعى ءبىر ۇلى جەڭىسىمىز. بۇل جەتىستىك بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ”ءتورت تانىم“ دى ونان ارى كۇشەيتۋگە، ” ءتورت سەنىم “ دى بەكەمدەۋگە، ” ەكىنى قورعاۋ “ دى ورىنداۋعا، جاستىق كوكتەمنىڭ داۋىرلىك جاۋاپكەرشىلىگىن اقتاۋ، ىسكەرلىك ارقىلى ەلدى كوركەيتۋ بەكىمى مەن ەركىن شىڭداۋعا، جاڭا داۋىردەگى جۇڭگوشا سوتسياليزم ىستەرىنىڭ جاڭا جاعدايىن قۇلشىنا جاراتۋعا جىگەرلەندىرەدى، وتان مەن حالىق سىزدەردىڭ تاريحي ەسەلى ەڭبەكتەرىڭىزدى ماڭگى ەستە ساقتايدى!


قۇتتىقتاۋ تەلەگرامماسىندا بىلاي دەلىنگەن: جەتى قاراقشى 3 ـ ءنومىرلى جاساندى سەرىك باعدار سىلتەۋ جۇيەسى دۇنيە ءجۇزى بويىنشا قىزمەت وتەۋدىڭ جاڭا كەزەڭىنە ءوتتى، جەتى قاراقشى جۇيەسىنىڭ قولدانىلۋىن تەرەڭدەتۋ كەڭ بولاشاق پەن شىت جاڭا سايىسقا ءدوپ كەلدى. اناعۇرلىم كەمەلدەنگەن جەتى قاراقشى جالپىلىق ورىن تۇراقتاندىرۋ، جول نۇسقاۋ، ۋاقىت بەرۋ جۇيەسىن قۇرۋ سياقتى كەيىنگى مىندەتتەر ءالى دە جاپالى دا اۋىر. سىزدەردىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 ـ قۇرىلتايىنىڭ جانە پارتيا 19 ـ كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، «بەستى ءبىرتۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتۋدى جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدى تىعىز ارقاۋ ەتىپ، دەربەس جاڭالىق اشۋ، اشىق ۇستاۋ، توعىسۋ، جۇدىرىقتاي جۇمىلىپ، ۇزدىك بولۋعا تالپىنۋ سىندى جاڭا داۋىردەگى جەتى قاراقشى رۋحىن بارىنشا ساۋلەلەندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قاجىماي ـ تالماي ىزدەنىس جاساپ، ۇدەرە العا تارتىپ، قوس 100 جىلدىق كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا اناعۇرلىم زور ۇلەس قوسۋلارىڭىزدى ءۇمىت ەتەمىز.


اۋدارعان: شالقار قازەز ۇلى

中央广播电视总台 央广网 版权所有

ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى جەتى قاراقشى 3 – ءنومىرلى جەر شارى جاساندى سەرىك باعدار سىلتەۋ جۇيەسىنىڭ ىسكە قوسىلۋىنا قۇتتىقتاۋ تەلەگرامماسىن جولدادى

ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى 7-ايدىڭ 31-كۇنى جەتى قاراقشى 3 ـ ءنومىرلى جەر شارى جاساندى سەرىك باعدار سىلتەۋ جۇيەسىنىڭ سالىنىپ ءبىتىپ ىسكە قوسىلعاندىعىنا قۇتتىقتاۋ تەلەگرامماسىن جولدادى.