ينفورماتسيا اشكەرەلەۋ: mzjubao@cnr.cn

ماڭىزدى حابارلار

ج ك پ ورتالىق كوميتەت ساياسي بيۋروسى ءماجىلىس اشىپ، «چىڭدۋ-چۇڭچيڭ وڭىرىندەگى قوس قالا ەكونوميكالىق شەڭبەر قۇرىلىسى جوبا پروگرامماسىن» قارادى، ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

来源:جۇڭگو قازاق راديو تورابى     |责编:达吾力别克 |     发布日期: 2020-10-17 11:56

ءوز حابارىمىز. ج ك پ ورتالىق كوميتەتتىڭ ساياسي بيۋروسى 10-ايدىڭ 16-كۇنى ءماجىلىس اشىپ، «چىڭدۋ-چۇڭچيڭ وڭىرىندەگى قوس قالا ەكونوميكالىق شەڭبەر قۇرىلىسىنىڭ جوبا پروگرامماسىن» قارادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.


ماجىلىستە مىنالاردى انىق ايتىلدى: كەزەكتە ەلىمىزدىڭ دامۋىندا ەل ءىشى جانە حالىقارا ورتاسىندا جالعاستى تەرەڭ، كۇردەلى وزگەرىستەر تۋىلۋدا، چىڭدۋ-چۇڭچيڭ رايونىنداعى قوس قالا ەكونوميكاسى شەڭبەرى قۇرىلىسىن ىلگەرىلەتۋ ارتىقشىلىق ارقىلى ءوزارا تولىقتاپ، جوعارى ساپالى دامۋدىڭ وڭىرلىك ەكونوميكالىق ورنالاستىرۋىن قالىپتاستىرۋعا پايدالى؛ بازار اياسىن كەڭەيتۋگە، كاسىپ تىزبەگىمەن قامداۋ تىزبەگىن ساپالاندىرۋعا جانە ورنىقتىرۋعا ءتيىمدى. ول ەل ىشىندەگى ءىرى اينالىمدى نەگىزگى تۇلعا ەتكەن، ەل ءىشى مەن حالىقارالىق قوس اينالىم ءبىرىن-ءبىرى جەبەيتىن جاڭا دامۋ جاعدايىن قالىپتاستىرۋداعى كەلەلى شارا.


ماجىلىستە مىنالار باسا دارىپتەلدى: پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جاپپاي تياناقتاندىرۋ كەرەك؛ چۇڭچيڭ، چىڭدۋ سىندى ەكى ورتالىق قالانىڭ سەلبەسىپ جەتەكتەۋ رولىن كورنەكتەندىرۋ؛ وڭىرلىك ابزالدىلىق پەن ەرەكشەلىكتى ايگىلەۋگە باسا ءمان بەرۋ ارقىلى چىڭدۋ-چۇڭچيڭ رايونىن مەملەكەتتىك ىقپالعا يە ماڭىزدى ەكونوميكالىق ورتالىققا، عىلىم-تەحنيكادا جاڭالىق جاراتۋ ورتالىعىنا، رەفورما جاساپ، ەسىك اشۋدىڭ تىڭ بەلەسىنە، جوعارى ساپالى، جانعا جايلى ءومىر ورتاسىنا اينالدىرىپ، بۇكىل ەلدىڭ جوعارى ساپالى دامۋىن جەبەيتىن ماڭىزدى ارتۋ ۇيەگى مەن تىڭ قوزعاۋشى كۇش قاينارىن قالىپتاستىرۋ كەرەك.


ماجىلىستە مىنالار تالاپ ەتىلدى: چىڭدۋ-چۇڭچيڭ رايونى ءبىر تۇتاس جوسپارلاپ ورنالاستىرۋ يدەياسى مەن ءبىر تۇلعالانعان دامۋ تانىمىن بەرىك ورناتۋ؛ سەلبەستىك مەحانيزمىن كەمەلدەندىرۋ؛ وڭىرلىك سەلبەستىكتىڭ جوعارى دەڭگەيلى ۇلگىسىن قالىپتاستىرۋ كەرەك. « قوس قالا تەاتىرىن » ويداعىداي شىرقاۋ، ىشكى قۇرلىقتاعى رەفورما جاساۋ، ەسىك اشۋ دىڭ بيىك بەلەسىن ورتاق قالىپتاستىرۋ؛ جوعارى ولشەمدى بازار جۇيەسىن ورتاق قۇرۋ ؛ بىرەگەي ساۋدا ورتاسىن جاراتۋ؛ « ءبىر بەلدەۋ، ءبىر جولدى» ورتاق قۇرۋدى جەتەكشى ەتىپ، باتىس بولەكتىڭ قۇرلىق، تەڭىز جاڭا ارناسىن ويداعىداي اشۋ؛ ىشكى جانە حالىقارالىق ەكونوميكانىڭ قوس اينالىمىنا بەلسەنە قاتىناسۋ كەرەك. ەكولوگيالىق ورتانى قورعاۋدى تاباندىلىقپەن مىقتى يگەرىپ، ەكولوگيا الدىمەن ەسكەرۋىلەتىن، جاسىل دامۋدىڭ جاڭا جولىن اشىپ، ادام مەن تابيعاتتىڭ جاراسىمدىلىعىن جەبەۋ كەرەك. ورتالىق پەن ءوڭىردىڭ قاتىناسىن دۇرىس شەشۋ؛ چۇڭچيڭ قالاسىنىڭ نەگىزگى قالاسى مەن چىڭدۋدىڭ دامۋ مۇمكىندىك دارەجەسى مەن ۋنيۆەرسال باسەكەلىك قۋاتىن كۇش سالا جوعارىلاتۋ؛ قالانىڭ دامۋىن سىرتقى فورماسيالىق كەڭەيتۋدەن ىشكى ماندىك مولىعىپ ساپالانۋعا قاراي بۇرىلىس جاساتۋ؛ ءتۇيىن ارقىلى كولەمدى جەتەكتەپ، بىركەلكى دامىتۋ؛ توڭىرەكتەگى قالا، اۋداندارمەن ءبىر تۇلعالانىپ دامۋ شەڭبەرىن قالىپتاستىرۋ كەرەك.


ماجىلىستە تاعى باسقا ىستەر زەرتتەلدى.


اۋدارعان: قاناتبەك جۇماباي ۇلى

中央广播电视总台 央广网 版权所有

ج ك پ ورتالىق كوميتەت ساياسي بيۋروسى ءماجىلىس اشىپ، «چىڭدۋ-چۇڭچيڭ وڭىرىندەگى قوس قالا ەكونوميكالىق شەڭبەر قۇرىلىسى جوبا پروگرامماسىن» قارادى، ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

ج ك پ ورتالىق كوميتەتتىڭ ساياسي بيۋروسى 10-ايدىڭ 16-كۇنى ءماجىلىس اشىپ، «چىڭدۋ-چۇڭچيڭ وڭىرىندەگى قوس قالا ەكونوميكالىق شەڭبەر قۇرىلىسىنىڭ جوبا پروگرامماسىن» قارادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.