ينفورماتسيا اشكەرەلەۋ: mzjubao@cnr.cn

وزەكتى ماقالالار

دەمالىستان كەيىنگى جامان ادەتتەردەن بىلاي ساقتانىڭىز

来源:央广网     |责编:阿依娜|     发布日期: 2019-10-09 08:48

 

بۇگىن مەملەكەت مەرەكەسىنەن كەيىنگى قىزمەتتىڭ ءبىرىنشى كۇنى، ەندى كوڭىلدى بەينەمەن قىزمەتكە كىرىسەمىز!

مەرەكەلىك دەمالىس اياقتالعانىمەن، كوپتەگەن ادامدار الىدە دەمالىستاعى كۇيدە توقتالىپ، تانىمى مەن كوزقاراسىن دەمالىستاعىمەن ۇقساس كۇيدە ساقتايدى، مىنە بۇل «جامان ادەت» قالىپتاستىرعاننىڭ بەلگىسى ەسەپتەلەدى. 

تاڭەرتەڭ ەرتە مەتروعا وتىرعان ۋاقىتتا-اق، كوپ ساندى ادامدار ەشتەڭەگە زاۋقى سوقپاي، ەسىنەپ، ۇيقىسى كەلىپ ارەڭ وتىرادى. مىنە مۇنىڭ سەبەبى دەمالىس كەزىندە قالىپتى ۇيقىنى بۇزىپ، جاي جاتىپ، تۇسكە دەيىن ۇيىقتاپ، ۇيقىنى بىلىقتىرىپ العانىندا. 

مازاسىزدانۋ، جابىعۋدىڭ بارلىعى دا دەمالىستاعى جامان ادەتتەردەن قالىپتاسقان، ال تىنىشتىققا قاراي بەتالىپ، قىزمەتپەن شۇعىلدانعاندا بۇلاردىڭ بارلىعىن تاستاۋ قيىنعا سوعادى.... 

ال تاماققا تابەتى تارتپاۋ، اس قورتۋى بۇزىلۋ، زاۋقى سوقپاۋدىڭ بارلىعى تويا تاماقتانىپ، اشقازان جانە ىشەككە اۋىرتپالىق تۇسكەندىكتەن. 

 

الايدا، دەمالىستاعى جامان ادەتتەردەن اۋلاق بولىپ، تاماقتانۋدى، قىزمەتتى، تۇرمىستى جونگە سالىپ، جاقسى ادەتتەردى تەزدەن قالىپتاستىرعان ءجون. تومەندە دەمالىستان كەيىنگى كۇيدى قالىپقا ءتۇسىرۋ جونىندەگى ادىستەرگە ايالداي كەتەيىك، ازدا بولسا وڭ ەنەرگيا قابىلداۋعا ۇمتىلىڭىز: 

دەمالىستاعى ادەتتەردەن ارىلا الماۋداعى سەبەپتەر جانە توتەپ بەرۋ ادىستەرى 

 

ۇزاق دەمالىس كەزىندە، كەيبىر ادامدار شىعىپ وينامايدى، نە قاربالاستاپ جۇمىس ىستەمەيدى، تاڭەرتەڭنەن كەشكە دەيىن كومپيۋتەر نەمەسە قولفونىن قۇشاقتاپ، توراپتىڭ قىزىعىنا باتىپ، تاڭنىڭ اتقانىن، كۇننىڭ باتقانىن بىلمەي قالادى. سودان ءبىرقانشا كۇننەن كەيىن، باسى اينالىپ، كوزى قۇرعاپ، رۋحى قاشىپ، سالىنى سۋعا كەتىپ تۇراتىن جاعداي پايدا بولادى، مىنە وسىلايشا قىزمەتكە شىققان سوڭ، دەمالىس كەزىندەگى جامان ادەتتەردەن قۇتىلا المايتىن كۇي كەشەدى. 

 

توتەپ بەرۋ ءادىسى: مۇنداي پسيحيكالىق جاڭساقتىققا قاراتا بەلسەندى تۇردە وزىنە-ءوزى تەڭشەۋ جۇرگىزۋ؛ قىزمەت ىستەگەن كەزدە مۇمكىندىكتىڭ بارىنشا جاعدايدى تەڭشەپ، مۇقيات كىرىسىپ، دەمالعان كەزدە دە جان دۇنيەنى كەڭگە سالىپ، دەمالۋدى، كوڭىل اشۋدى ۇيرەنۋ كەرەك. 

 

باس اينالۋ، زەڭۋ، ۇيقىنىڭ بۇزىلۋىنداعى كۇردەلى بەلگىلەر جانە توتەپ بەرۋ ادىستەرى 

 

دەمالىس كەزىندە كوپتەگەن ادامدار دەمالىس ۋاقىتىن رەتسىز الىپ بارادى دا، سونىمەنءبىر مەزەت مەرەكەدەگى دەمالىس ۋاقىتىنان قالىپقا تۇسە الماي، تەڭشەۋسىز كۇي قالىپتاستىرىپ، تۇندە سەرگەك بولىپ، تاڭدى كوڭىلدى اتىرىپ، تاڭعا جاقىن ۇيىقتايتىن جامان ادەتتەر قالىپتاستىرىپ الادى. 

 

توتەپ بەرۋ ءادىسى: بۇرىنعى تۇرمىس زاڭدىلىعىن تەز ارادا قالپىنا كەلتىرىپ، ۇيقىنىڭ زاڭدىلىعىنا كەپىلدىك ەتۋ؛ ۇيىقتار الدىندا ۇلكەن ميدى قاتتى قوزدىرماۋ، مۋزيكا سياقتى تاسىلدەرمەن كوڭىلدى ورنىقتىرۋ؛ كۇندە كەشتە ىستىق سۋعا 5-10 مينۋت اياقتى مالىپ، دەنەنى سەرگىتۋ. 

دەمالىس كەزىندەگى اس قورىتۋدىڭ ناشارلاۋىنداعى كۇردەلى بەلگىلەر جانە توتەپ بەرۋ ادىستەرى 

 

اس-ادامنىڭ ارقاۋى. دەمالىس كۇندەرى ءتاتتى-دامدىنى بىرگە تاتىپ، تاماقتانۋدان قول ۇزە المايسىز، ءار كۇنى تاۋىق، ۇيرەك، بالىق ەتتەرىن، باسقالاي ەتتەردى جەيسىز، وعان ءتۇرلى-ءتۇستى ۇساق-تۇيەك ازىق-تۇلىكتەر قوسىلادى، سونىمەن، كەيدە تاڭەرتەڭنەن كەشكە دەيىن تاماقتاناتىن احۋالدار بايقالادى، مىنە وسىلايشا،بىرنەشە كۇن وتپەي-اق كەيبىرەۋلەر تاماققا تابەتى تارتپاي، اس وتپەي، اسقازانى اۋىرادى. 

 

 توتەپ بەرۋ ءادىسى: «اسقازانىڭ اۋىرسا اۋزىڭدى تي». الدىمەن اۋىزدى تيىپ، اسقازان-ىشەك جولدارىنىڭ دەمالىسىنا مۇمكىندىك جاساۋ؛ تەز ءجۇرۋ، اقىرىن جۇگىرۋ، گيمناستيكا ويناۋ، دوپ ويناۋ نەمەسە ءبي بيلەۋ سياقتى ۇناتاتىن قيمىلدارعا بەلسەنە قاتىناسىپ، جۇرەك سوعۋعا پايدالى، تەر شىعاراتىن ارەكەتتەرمەن شۇعىلدانىپ، دەنە قۋاتىن ارتتىرىپ، اسقازاندى قالىپتى كۇيگە ءتۇسىرۋ. 

كوڭىل-كۇيى شاشىراڭقى كۇيدە جۇمىس ىستەۋدىڭ كۇردەلى بەلگىلەرى جانە توتەپ بەرۋ ادىستەرى 

 

 ۇزاق دەمالىستان كەيىن، كەي ادامداردىڭ كوڭىلىندە عاجايىپ قورعالاۋ پايدا بولادى، نەگىزىنەن مىناداي بىرنەشە ءتۇرلى اۋرۋ بەلگىلەرى بايقالادى: باسى اينالىپ، نە ىستەيتىنىن بىلمەۋ، قىزمەت ۇستەلىندە ۇزاق ۋاقىت اڭكى-تاڭكى كوڭىل-كۇيدە بولىپ، قىزمەتتى قالاي ىستەرىن بىلمەۋ؛ قول ـ اياعى دىرىلدەپ، بويىندا قۋات قالماۋ. 

 

توتەپ بەرۋ ءادىسى: ۇزاق دەمالىستان كەيىن، الدىمەن دەمالىستان بۇرىن ءبىر جايلى ەتىلمەگەن ىستەردى ەڭ تەز تاسىلمەن جەدەل ءتۇسىنىپ، سوزبۇيدالىققا سالىنباي، زەيىن-زەردەنىڭ شاشىراڭقىلىعىنان ساقتانۋ كەرەك. قولايلى ەسكەرتپە جازىپ، ەسكەرىلمەگەن ىستەر مەن قىزمەتكە شىققاننان كەيىنگى العاشقى بىرنەشە كۇندە ىستەۋگە ءتيىستى ىستەردى ءتىزىپ شىعۋ، وسىلاي ىستەگەندە عانا كوڭىلىمىز ورنىعىپ، ءبارى دە وڭىنا باساتىن بولادى. 

 

    中央广播电视总台 央广网 版权所有