ينفورماتسيا اشكەرەلەۋ: mzjubao@cnr.cn

وزەكتى ماقالالار

ايەلدىڭ كوركى-ەردىڭ ايالاۋىنان

来源:央广网     |责编:努丽霞提|     发布日期: 2019-12-02 16:15


 

ديكتور: سايا زاۋاتبەك قىزى 

اۆتورى: ٴجۇمادىل مارحابا ۇلى

 


 «الىپ-انادان تۋادى».  

 

 ايەل زاتىن ارداقتاپ، بارلىق كىسلىكتىڭ، نازىكتىكتىڭ، كۇللى قاسيەتتىڭ ۇلى سيلارىن، قۇرمەتىن ايەل زاتىنا ٴرياسىز ارناعان حالقىمىز، «قىز بالا-جات جۇرتتىق» دەپ قىرىق ۇيدەن تيىم سالىپ، قانات استىنا الىپ، قىزعىشتاي قورعاپ، تورىنە شىعارىپ، توبەسىنە كوتەرىپ، التىننىڭ سىنىعىنداي ايالاپ، قاستەرلەپ، ۇكىلەپ، ۇلپىلدەتىپ ۇستاپ، قۇتتى ورنىنا قوندىرىپ جاتادى. بۇنداعى ۇلىلىق «ايەل جىلاسا الەم جىلايدى» ەمەس، قايتا، ۇرپاق ۇلاعاتى مەن تەك تازالىعىن باستى ورىنعا قويعان حالقىمىزدىڭ دانالىلىعى. 

 

«سيلا ايەلدى، جوعارىدان ورىن بەر، كوتەر ونىڭ مەرەيى مەن بەدەلىن. 

 

 ٴوز قىزىڭدى سيلاعانىڭ ول سەنىڭ،  ٴوز اناڭدى ماڭگى قۇرمەتتەگەنىڭ»-دەپ، اقىندار جىرلاعانداي، ايەلدەر قۇرمەتكە، سيلاۋعا، ايالاۋعا، قورعاۋعا، ەركەلەتۋگە جارالعان نازىك جاندار. 

 

 «قاراعىم، مەشەل بولىپ قالام دەمەسەڭ، تاعىلىمىڭدى، بەسىگىڭدى تۇزە! ونى تۇزەيمىن دەسەڭ، ايەلدىڭ حالىن تۇزە»-دەگەندەي، ولارعا شىنايى، تازا سۇيىسپەنشىلىك پەن ماحاببات سيلاساڭ، قۇرمەتىن جاساپ، حالىن تۇزەسەڭ، ول ۇلى ىستەرگە جول الىپ، ىزگلىككە، ەرلىككە جەتەلەپ، رۋحاني قۇندىلىقتاردى انا ٴسۇتىمەن، ۇرپاقتىڭ ساناسىنا سىڭىرەدى. نازىكتىك پەن سۇلۋلىقتى ارداقتاۋ-جاھانداعى كۇللى ەر اتاۋلىنىڭ ٴيىلىپ تۇرىپ قۇرمەتىن جاسايتىن قاسيەتتى بورىشى.

 

 ٴومىردىڭ ىستىعى مەن سۋىعىنا، اششىسى مەن تۇششىسىندا شىڭداپ، تاۋعا دا تاسقادا، باۋعا دا باسقادا سالىپ، جەل وتىنە ۇستاپ، جالىن سىلاپ وسىرگەن ەر مىنەزدى ۇلدارىڭ ناعىز ەردىڭ بورىشىن ارداقتاپ، قاسيەتىن قاستەرلەپ جاتادى. ياعىني،ٴارقانداي ٴبىر ازامات، ٴارقانداي ٴبىر ەرٴوز كوڭىل قالاۋىنا، ٴوز جۇرەگنىڭ امىرىنە جولىققان كۇننەن باستاپ، ٴوزىنىڭ تىنستار تۇراعى، ات بايلارىنا، جىلى وتباسىنا بارىن ارناۋعا قۇلشىنادى. ٴوزىنىڭ ماحاببات، سەميا، ۇرپاق الدىنداعى بورىشىن، جاۋاپكەرشىلىگىن تەرەڭ تانىپ جەتەدى، ناعىز ەركەك اۋقىمعا قاراپ ٴىس كورەدى. 

 

 ايەلدىڭ باقىتى-ٴبىر سەميانىڭ تاعدىرىن بەلگىلەيدى، ايەل باقىتسىز بولسا، سەميا باقىتسىز بولادى، ۇرپاق توزادى. ايەلدى باقىتتى ەتۋ ٴارقانداي ٴبىر ەردىڭ بۇلتارتپاس بورىشى، ونداي بولسا ەر ادام نەلەرگە كوڭىل ٴبولۋى كەرەك؟ بۇل قاناتىن كەڭ جايعان، مازمۇنى تەرەڭدە جاتقان، ٴار ادام ٴوز الدىنا وي قورتاتىن ۇلكەن تاقىرىپ، سولاي بولسادا، كوڭىلدە جينالعان، جۇرەكتە تۇنعان العاشقى ويلارىمدى ورتاعا سالا كەتپەكشىمىن، باعاسى وقىرماننان بولار. 

 

 

 بىرىنشىدەن، ناعىز ەركەك، ايەل زاتىنىڭ نازىك كوڭىلى مەن الەمىن تانۋعا، وعان نازىكتىگى مەن قۇندىلىعىنىڭ، سۇلۋلىعى مەن تارتىمدىلىعىنىڭ باعاسىن باعامداۋعا مۇمكىندىك جاساپ، سەنىمىن شىڭداعانى، وعان تازا ماحابباتىن ارناعانى دۇرىس.

 

 ايەل تابيعاتى-نازىك، سول نازىكتىگىنە ساي تۇرمىسىن ٴساندى دە ٴماندى وتكىزۋگە ولارٴومىر بويى ۇمتىلىس جاسايدى. ولاردىڭ انالىق التىن قاسيەتى مەن ۇرپاق جالعاۋدا جاساعان بارلىق ەرلىكتەرى مەن بەرگەن بوداۋلارىن تىلگە الساڭ، توم-توم شىعارمالار جازۋ قاجەت. مەن ەڭ كىشكەنتايى ولاردىڭ الاڭ-ەلەڭنەن تۇرىپ، ساعات ٴتىلىنىڭ قانشا اينالعانى بەلگىسىز، تىنمسىز كۇيبەڭىنىڭ باستالۋى مەن اياقتالۋىنىڭ ٴوزى ٴارقانداي ٴبىر ەر ازاماتتتى مۇرتتاي ۇشىراتىنىن اۋىزعا الماي تۇرا المايمىن. 

 

 ناعىز ماحاببات- ٴبىر ٴتۇرلى كەشىرىم، سان جەتپەس تۇسىنىك، ىرىقتى جول بەرۋ، كىرشىكسىز ايالاۋ، استە كەلەڭسىز كوڭىل-كۇيدىڭ، اشۋ-ىزانىڭ تىزگىنىن قويا بەرۋ ەمەس. 

 

 

ارينە ەردىڭ ٴىسى تۇزدە، يگىلىگى وتباسى ٴۇشىن، سوندىقتاندا، تۇرمىستىڭ قاتاڭ سوققىلارى مەن داۋىلدارىنان قاجىعان، تاۋسىلىپ بەرمەيتىن، تىرلىك ٴۇشىن تىربىنعان كۇندەردىڭ كۇيبىڭنەن قانشا قاجىساڭدا، سالبىرعان قاباعىڭدى، ەسىك الدىنا تاستاپ، وتباسىڭداعىلارمەن باس قوسقانداعى التىنعا دا ايىرباستاۋعا كەلمەيتىن شاتتقتارىن، كۇلكىلەرىن، باقتتى شاقتارىن كۇرەڭسىز كوڭىلدىڭ كەسىرلى لەبىمەن تىتىرەتىپ جىبەرمەي، تۇسىنىكتىڭ، كەشىرىمنىڭ، دارقان كوڭىلدىڭ دالاداي سەزىمدەرىمەن جىلتىپ، ناعىز باقىتتى جان ۇيانىڭ لەبىن سەزىندىرگەنىڭ ٴجون.

 

 ايەلدىڭ كوركى-ەردىڭ ايالاۋىنان.

 

 ەكىنشىدەن، ناعىز ەركەك بارلىق ماحابباتىمەن، سۇيىسپەنشىلىگىمەن جارىنا سەرىك بولا ٴبىلۋى كەرەك. ٴومىردىڭ جاپا- ماشاقاتتارى مەن راحات-ٴلاززاتىندا بىرگە بولۋ، بۇل ۇزاق ٴومىر ساپارىنداعى شىنايى تۇسىنىك، قالتىقسىز ماحاببات، ماڭگىلىك ساعىنش.

 


 سەميا بولعان سوڭ ىدىس-اياق سىڭعىرلاماي، جايدىڭ بۇلتىنداي جاسىن ويناپ، جانارلاردىڭ جاڭبىرى توگىلمەي تۇرمايدى، ەر ادام بۇنىڭ ٴبارىن دالاداي دارقان كوڭىل، شىنايى سەزىم، بالاداي جۇرەكپەن قابىلداۋى قاجەت، بارلىق شاتتىق، قايعى-مۇڭ ورتاسىنان تابىلۋى، جان-جۇيەسىمەن سەزىنۋى شارت.

 

 باقىت دەگەن نە؟ 

 

 باقىت دەگەن -بىرەۋدىڭ شىنايى ايالاۋى، كۇيىنۋى؛ باقىت دەگەن- ون جىل ٴبىر كەمەدە كۇن كەشىپ، ٴجۇز جىل ٴبىر جاستىققا باس قويۋ؛ باقىت دەگەن-سەن كۇلگەن كەزدە مەنىڭ قاسىڭنان تابىلۋىم، سەن جىلاعان كەزدە مەنىڭ تاعى دا سەنىڭ قاسىڭنان تابىلۋىم. شىنندا، نازىك ايەل زاتى ٴۇشىن، باقىت دەگەن- ەردىڭ ايالاۋى، ٴسۇيۋى، تۇسىنۋى، شىنايى سەرىك بولۋى.

 

 ٴارقانداي ٴبىر ەر قوعامدىق ورتادا قانشاما سالاۋاتتى، قانشاما بەدەلدى، قانشاما ىزەتكە قول جەتكىزگەنىمەن، ول جاقسىلىعىن وتباسىنا سيلاي الماسا، جان جارىنا جەتكىزە الماسا، وندا ونىڭ جەڭىلگەنى. 

 

 بىرەۋدى ٴسۇيۋ-ونى ايالاۋ، ال بىرەۋدى ايالاۋ- ٴوز ريزاشىلىعىڭمەن قارسى جاقتىڭ باقىتى مەن شاتتعى ٴۇشىن بوداۋ بەرۋ، قالتىقسىز، وكىنشىسز، الداۋسىز….

 

 وتباسىنداعى ٴسوزىڭ كوپ بولسىن، از بولسىن، ۇنسىزدىك ىشىندە نەمەسە جاراسىمدى كەڭەس بارسىندا،ٴوزارا جان-دۇنيەنىڭ قالاۋىن تاۋىپ، قابىسىمىن جاساپ، ٴبىر-بىرىڭە شىنايى سۇيەنىش بولاتىندىعىڭىدى جۇرەگىڭمەن، ارەكەتىڭمەن، ماحابباتىڭمەن، سەزىمىڭمەن سەزىندىرىپ وتىرۋدىڭ ٴوزى قانداي عانىيبەت. 

 

 ايەلدىڭ باقىتى-ەردىڭ ٴسۇيۋىنەن.

 

 ٴۇشىنشىدەن، ناعىز ەركەك ٴوزىنىڭ سەميا، ۇرپاق الدىنداعى جاۋاپكەرشىلىگىن تۋرا سەزىنۋى كەرەك. 

 


 نازىك جاندار ٴارقاشان وزىنە حاۋىپسىزدىك سەزىمىن سيلايتىن، الاڭسىز ەتەتىن ەرلەردى جولداس ەتۋگە قۇلشىنادى، مىنە بۇل ٴارقانداي ٴبىر ەر ادامنىڭ ايەل زاتى الدىنداعى جاۋاپكەرلىگى. ٴسۇيۋ، ايالاۋ، كۇيىنۋ، تۇسىنۋدىڭ بارلىعى جاۋاپكەرلىكتى ٴوز ساياسىنا الىپ جاتقان-ۇلكەن جاۋاپكەرلىك. 

 

 ٴارقانداي ٴبىر ەركەك رومانتيكالى بولماسادا، جاۋاپكەرشىلىكسىز بولماۋى؛ قالتالى بولماسادا، سەمياسىن اسىراي الۋى؛ بارلىق ىستە ايەلىنىڭ سوزىنە قۇلاق اسپاسادا، كۇيىنۋدى ٴبىلۋى؛ اتاعى اسپانداسادا، سەمياسىنداعىلارعا سەرىك بولۋى؛ ۇرپاعىن باسقارماسادا، سۇيە ٴبىلۋى؛ ۇلكەن ٴىستى باسىنا الىپ شىعا الماسادا، ۇساق ىستەرگە تۇجىرىم جاساي الۋى، بەكىمىن بىلدىرە الۋى كەرەك.

 

 جاۋاپكەرلىك-ەر ادامنىڭ كۇرە تامىرى، كىشكەنەسى سەميانىڭ قۇرمەتىن جاساۋىنىڭ، ۇلكەنى الەمدى جاۋلاۋىنىڭ تىرەگى. 

 

 ٴبىر ەر ادامنىڭ كەمەلىنە كەلۋى-ونىڭ جاسىنىڭ قانشاعا كەلگەنىمەن ولشەنبەيدى، قايتا ونىڭ سەميا الدىنداعى، نازىك جاندار جۇرەگىندەگى، ۇرپاق ۇلاعاتىنداعى جاۋاپكەرلىگنىڭ قانشالىقتى ەكەندىگىمەن ولشەنەدى.

 

 

中央广播电视总台 央广网 版权所有

ايەلدىڭ كوركى-ەردىڭ ايالاۋىنان

ايەل زاتىن ارداقتاپ، بارلىق كىسلىكتىڭ، نازىكتىكتىڭ، كۇللى قاسيەتتىڭ ۇلى سيلارىن، قۇرمەتىن ايەل زاتىنا ٴرياسىز ارناعان حالقىمىز، «قىز بالا-جات جۇرتتىق» دەپ قىرىق ۇيدەن تيىم سالىپ، قانات استىنا الىپ، قىزعىشتاي قورعاپ، تورىنە شىعارىپ، توبەسىنە كوتەرىپ، التىننىڭ سىنىعىنداي ايالاپ، قاستەرلەپ، ۇكىلەپ، ۇلپىلدەتىپ ۇستاپ، قۇتتى ورنىنا قوندىرىپ جاتادى. بۇنداعى ۇلىلىق «ايەل جىلاسا الەم جىلايدى» ەمەس، قايتا، ۇرپاق ۇلاعاتى مەن تەك تازالىعىن باستى ورىنعا قويعان حالقىمىزدىڭ دانالىلىعى