ينفورماتسيا اشكەرەلەۋ: mzjubao@cnr.cn

وزەكتى ماقالالار

ەمتيقاننان ءوتۋ ءۇشىن باسەكەلەسىنە قاستاندىق جاسادى

来源:央广网     |责编:达吾力别克|     发布日期: 2019-12-14 19:01

مەملەكەت قىزمەتكەرلەرىنىڭ جازباشا ەمتيقانىندا ءبىرىنشى بولعان ول،  باسەكەلەسىنە قىمسىنباي قاستاندىق ىستەدى

ۇيلەنۋى باياندى بولماعان سوڭ، بويجەتكەن حى x ۇكىمەت قىزمەتكەرلىگىنە قابىلدانۋعا قۇلشىنىس جاسايدى. الايدا، جازباشا ەمتيحاندا بىرىنشىلىكتى الۋمەن بىرگە، حى x قىزمەت ورايىن ءتىپتى دە ورنىقتى تۇردە ءوز قولىنا ءتۇسىرۋ ءۇشىن، ەسىرتكى ارقىلى باسەكەلەسىنە قاستاندىق سايلايدى، سونداي - اق ونى اكىمشىلىك جازاعا تارتقىزۋ ارقىلى  مەملەكەت قىزمەتكەرى ەمتيقانىنىڭ ساياسي ساراپتاۋىنان وتۋىنە امالسىز قالدىرادى. بۇل سولەكەت ۋاقيعاعا 11-ايدىڭ 25-كۇنى بەيجيڭدەگى شۇن - ي سوت مەكەمەسى سوت اشىپ قارادى.

2018-جىلى 3-ايدىڭ 13-كۇنى، حى x مەملەكەت قىزمەتكەرلەرى ەمتيقانىنداعى باسەكەلەسى ياعني وسى دەلوداعى زيانكەستىككە ۇشىراۋشىنى اكىمشىلىك جازاعا تارتقىزۋ ءۇشىن شياۋ x پەن استاسادى. سونىمەن شياۋ x  زيانكەستىككە ۇشىراۋشىنىڭ قىزمەت ورنىنا بارىپ، قىزمەتكە شاقىرۋ اتىمەن زيانكەستىككە ۇشىراۋشىمەن قارىم-قاتىناس جاسايدى.  

 

سول ايدىڭ 17-كۇنى شياۋ X زيانكەستىككە ۇشىراۋشىنىڭ كەڭسەسىندە ورايدان پايدالانىپ، ەسىرتكىنى زيانكەستىككە ۇشىراۋشىنىڭ ستاكانىنا سالىپ، ونىڭ ءىشۋىن كۇتەدى.

 

كەلەسى كۇنى، شياۋ  110 عا تەلەفون بەرىپ، زيانكەستىككە ۇشىراۋشىنىڭ ەسىرتكى تۇتىنعانىن اشكەرەلەيدى، زيانكەستىككە ۇشىراۋشى قولعا تۇسەدى، ساقشى زيانكەستىككە ۇشىراۋشىنىڭ كەڭسەسىنىڭ كومپيۋتەر ءتىلتاقتاسىنىڭ استىنان 0.05 گرامدىق مەتيل امپەتاميندى تاۋىپ الادى.

 

 تەكسەرۋ ارقىلى زيانكەستىككە ۇشىراۋشىنىڭ نەسەبىندە فەنيلامين مەن مەتيل امپەتامين بارلىعىن انىقتايدى. سوڭىنان حى x پەن شياۋ x دى قولعا الىپ، ەسىرتكىنى دە جيناپ الادى. 

 

بۇل دەلو جونىندە شۇن- ي پروكۋراتۋراسى بىلاي دەپ قارادى:  حى X پەن شياۋ X باسقالاردى ەسىرتكى تارتۋعا الداعان، ولاردىڭ ارەكەتى قىلمىستىق ىستەر زاڭىنا قايشى. قىلمىس فاكتى انىق، دالەل - سىپاتى شىن ءارى تولىق، باسقالاردى ەسىرتكى تۇتىنۋعا الداۋ قىلمىسى بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك.

 

سوتتا حى  X پەن شياۋ X قىلمىسىن مويىنداپ، جازانى قابىلدايدى. 

 

حى X، العاشىندا شياۋ X نىڭ اعاسى ارقىلى شياۋ X دى ىزدەپ تاپقاندىعىن، مۇنداعى ماقساتى شياۋ X تىڭ زيانكەستىككە ۇشىراۋشىنىڭ قىزمەت ورنىنا قىزمەتكە قابىلداعان بولىپ بارىپ، زيانكەستىككە ۇشىراۋشىنىڭ قانداي ويى بارلىعىن انىقتاپ، شياۋ X ارقىلى مەملەكەت قىزمەتكەرىنە قابىلداۋ ەمتيقانىنىڭ ساياسي جاقتان ساراپتاۋ  تۇيىنىندە زيانكەستىككە ۇشىراۋشىنى «اشكەرەلەمەكشى» بولعانىن ايتادى. حى X شياۋ X  تىڭ زيانكەستىككە ۇشىراۋشىعا ەسىرتكى ىستەتۋ ارەكەتى جونىندە تيىم سالعانىن ايتا كەلە: «مەن ءۇنحات ارقىلى شياۋ X كە بۇل نارسە وتە قورقىنىشتى، ەندىگارى ىستەتپە دەپ ەسكەرتكەم»،-دەدى. 

 

حى X بىلاي دەيدى: «ەڭ العاشىندا شياۋ X تىڭ اعاسىنا ەگەر مىندەت ورىندالماسا ءار كۇنى 1000 يۋان اقى بەرەم، ال ورىندالسا، 50مىڭ يۋان بەرەم،- دەپ ايتقان ەدىم.ءۇنحات ارقىلى شياۋ X كە 20 مىڭ يۋان جوتكەپ بەردىم».

 

سوت تەرگەۋىندە حى x  قاتتى وكىندى، ول ءوزىنىڭ نەكە ءىسى باستان – اياق ساتىنە باسپاعانىن ايتا كەلە بىلاي دەدى: «بۇرىنعى كۇيەۋىم ۇكىمەت قىزمەتكەرى بولعاندىقتان، بارعان جەرىم مەنىڭ وقىتۋشىلىق كاسىبىمدى كوزگە ىلمەي، «مەملەكەت قىزمەتكەرىنە تەڭ كەلگەن قايدا»،-دەگەن كوزقاراستا بولدى. ەكەۋىمىزدىڭ اق نەكەمىز ساتىنە باسىپ بۇگىنگە كەلدى، الايدا كۇيەۋىمنىڭ ماعان دەگەن رياسىز ماحابباتىنىڭ شىن ەكەندىگىنەدە كامىل سەنىمدە ەدىم، سونىمەن ءوز قۇلشىنۋىم ارقىلى ۇكىمەت قىزمەتكەرى ەمتيقانىنا ءوتۋدى ويلادىم. ال سول كەزدە شىنىندا قاتتى ابىرجىدىم ». 

 

بۇدان سىرت، حى x ءوزىن-ءوزى ءۇش رەت جازىم ەتپەكشى بولعاندىعىن، شىنىندا ناۋقاسى بارلىعىن، سوندىقتان  قىلمىستىق ىستەر جاۋاپكەرشىلىگى قابىلەتىن ساراپتاۋدى ءوتىنىش ەتەتىندىگىن ايتتى.

 

شياۋ X بىلاي دەدى: ەسىرتكى ىستەتۋ جونىندەگى وسى ءىستى حى x ەكەۋمىز اقىلداسقان ەدىك. سول كەزدە حى  xمەنى تاپقاننان كەيىن قوناقسارايعا باردىق. حى x ءسىڭىلىسىنىڭ جۇكتى بولىپ قالعاندىعىن ايتىپ، زيانكەستىككە ۇشىراۋشىنى ماعان تاربيە بەرۋگە تاپسىردى، مەن سول كەزدە ەڭبەكاقىعا قانشا اقشا بەرەتىنىن سۇرادىم، ول ءۇنحات ارقىلى 20 مىڭ يۋان جولداپ بەردى». 

 

الەۋمەتتىك ايىپتاۋ ورگانى بىلاي دەپ قارادى: «حى x مەن شياۋ x باسقالاردى ەسىرتكى تارتۋعا الداعان، قىلمىس فاكتىلەرى انىق، دالەل - سىپاتتارى ناقتىلى، تولىق بولعان. باسقالاردى ەسىرتكى تۇتىنۋعا الداۋ قىلمىسى بويىنشا ولاردىڭ قىلمىستىق ىستەر جاۋاپكەرشىلىگىن قۋزاستىرۋ كەرەك. حى x مەن شياۋ x سوت تەرگەۋىندە بارلىعىن قاز - قالپىندا باياندادى، سوندىقتان زاڭ بويىنشا جەڭىل جازا بەرۋدى كوزدە ۇستاي وتىرىپ، حى x تى 6 ايدان 8 ايعا دەيىن مەرزىمدى قاماق جازاسىنا كەسۋدى، وعان قوسا اقشالاي ايىپ سالۋدى ۇسىنىس ەتەمىز. شياۋ x تى 6 ايدان 8 ايعا دەيىن مەرزىمدى قاماق جازاسىنا كەسۋدى، وعان قوسا اقشالاي ايىپ سالۋدى ۇسىنىس ەتەمىز». 

 

 وسىعان قاراتا، حى x سۋديادان جەڭىلدەتىپ جازالاۋدى، جازاسىن كەشىكتىرىپ اتقارۋدى تالاپ ەتتى.  

 

حى x تىڭ اقتاۋشىسى شۇي فان بىلاي دەپ قارادى: «ءبىرىنشى، ەسىرتكىنىڭ سانىندا اۋىر قايشىلىق بايقالعان، استارىن تابا الماسا، ورىندى كۇماننان ارىلتۋعا بولمايدى، بۇل حى x تىڭ ەسرتكى سالعان-سالماعاندىعىن ءونىمدى دالەلدەي المايدى. ەكىنشى، ساراپتاۋ ەستەلىگى اراسىندا قايشىلىق ساقتالعان، قىلمىستىق ىستەر دەلوسىنداعى نەسەپ ولشەمى ارقىلى ۋلى شەگىمدىك شەككەن - شەكپەگەنىن تۇراقتاندىرۋدا ءتىپتى دە بايىپتىلىقپەن قاراۋ كەرەك. ءۇشىنشى، حى x تىڭ قىلمىستىق ارەكەتى كورنەكتى جەڭىل، سۋبيەكتيۆتىك ورەسكەلدىگى، باس اماندىققا قاتەرى ءبىرشاما تومەن، تۇڭعىش قىلىس قالىپتاستىرعان، ونىڭ ۇستىنە زيانكەستىككە ۇشىراۋشىنىڭ مەملەكەت قىزمەتكەرىنە قابىلدانۋىنا اۋىر زيان جەتكىزبەدى. سوندىقتان سوت حى x  كە كەڭشىلىك ەتۋ جازاسىن بەرىپ، جازانى كەشىكتىرىپ اتقارۋدى ۇسىنىس ەتەمىن» .

 

 ال شياۋ x تە سۋديادان جەڭىل جازالاۋدى تالاپ ەتتى. شياۋ x تىڭ اقتاۋشىسى بىلاي دەپ قارادى: « شياۋ x ىلەسۋشى قىلمىسكەر، جەڭىل نەمەسە جەڭىلدەتىپ جازالاۋ. الايدا شياۋ x ارەكەت جاساعانىمەن، ءبىراق قىلمىس وتكىزۋ بارىسىندا جاناما رول اتقاردى. شياۋ x تىڭ راسىن ايتۋ جاي-جاپسارى بار، تۇڭعىش قىلمىس وتكىزگەن، كەزدەيسوق قىلمىسقا جاتادى، وعان جەڭىل جازا كەسۋ كەرەك؛ شياۋ x تىڭ رايىنان قايتۋ بەينەسى بار ءارى زيانكەستىككە ۇشىراۋشىنىڭ قىزمەتىنە، تۇرمىسىنا اۋىر زارداپ تۋدىرماعان، سوندىقتان شياۋ x تىڭ جازاسىن كەشىكتىرىپ اتقارۋدى ۇسىنىس ەتەمىن». 

 

 قازىرگى قىلمىس جاعدايىنا نەگىزدەلگەندە، الەۋمەتتىك ايىپتاۋشى شياۋ x تى ىلەسۋشى قىلمىسكەر رەتىندە تۇراقتاندىرۋعا بولمايدى،- دەپ قارادى.

 

سوندىقتان، بۇل دەلونىڭ ۇكىمى ءالى سوت ۇستىندە جاريالانبادى. 

 

    中央广播电视总台 央广网 版权所有

    ەمتيقاننان ءوتۋ ءۇشىن باسەكەلەسىنە قاستاندىق جاسادى

    مەملەكەت قىزمەتكەرلەرىنىڭ جازباشا ەمتيقانىندا ءبىرىنشى بولعان ول، باسەكەلەسىنە قىمسىنباي قاستاندىق ىستەدى