ينفورماتسيا اشكەرەلەۋ: mzjubao@cnr.cn

وزەكتى ماقالالار

مىنا ەمتيحاندار كەشەۋىلدەتىلەدى نەمەسە ۋاقىتشا توقتاتىلادى

来源:央广网     |责编:阿依娜|     发布日期: 2020-02-14 15:01

 

وقۋ-اعارتۋ مينيسترلىگى جوعارى مەكتەپ ستۋدەنتتەرى مەكەمەسىنىڭ باستىعى ۋاڭ حۇي 2-ايدىڭ 12-كۇنى بىلاي دەدى: جوعارى مەكتەپ ەمتيحانىنا ءالى 4 ايعا جۋىق ۋاقىت بار، اۋرۋ جاعدايىنىڭ بەتالىسىنا، وزگەرۋ جاعدايىنا قاداعالاي نازار اۋدارىپ، قاتىستى تاراۋلارمەن بىرگە اۋرۋ جاعدايىنىڭ ەمتيحان ۇيىمداستىرۋداعى تۋىلۋ مۇمكىندىگى بار ىقپالىن دەر كەزىندە مولشەرلەۋ نەگىزىندە، بيىلعى جوعارى مەكتەپ ەمتيحانىنىڭ ناقتى اتقارۋ جوباسىن اقىلداسىپ جاسايتىن بولامىز. قاتىستى قىزمەتتەر دەر كەزىندە قوعامعا جاريالانادى.

ديسسەرتاتسيا قورعاۋ ۋاقىتى ىندەت جاعدايىنا قاراي ناقتى ورنالاستىرىلادى 

 

وقۋ-اعارتۋ مينيسترلىگى جوعارى دارەجەلى وقۋ-اعارتۋ باسقارماسىنىڭ باستىعى ۋ يان بىلاي دەدى: داعدى بويىنشا، جوعارى مەكتەپ وقۋشىلارىنىڭ وقۋ تاۋىسۋ ماۋسىمى 6-اي، 7-ايلارعا تۋرا كەلەدى، ٴبىز جاعدايعا تىعىز تۇجىرىم جاساپ، اۋرۋ جاعدايىنىڭ وزگەرىسىنە ساي، جوعارى مەكتەپتەردىڭ ديسسەرتاتسيا قورعاۋ ۋاقىتىن ناقتىلى ورنالاستىراتىن بولامىز.

ورتا، باستاۋىش مەكتەپ وقىتۋشىلارىنىڭ تولىمدىلىق ەمتيحانى جانە وقىتۋشىلاردىڭ تولىمدىلىعىن تۇراقتاندىرۋ قىزمەتى كەشەۋىلدەيدى

 

وقۋ-اعارتۋ مينيسترلىگى ۇقتىرۋ شىعارىپ، 3-ايدىڭ ورتا شەنىندە جۇرگىزىلەدى دەپ بەلگىلەنگەن ورتا، باستاۋىش مەكتەپ وقىتۋشىلارىنىڭ تولىمدىلىق ەمتيحانى مەن وقىتۋشىلىق تولىمدىلىعىن تۇراقتاندىرۋ قىزمەتىنىڭ كەشىكتىرىلەتىندىگىن مالىمدەدى. ناقتى ەمتيحان ۋاقىتى مەن تىزىمدەلۋ ۋاقىتى ىندەتتەن ساقتانۋ جانە ونى تىزگىندەۋ جاعدايىنا قاراي ۇقتىرىلادى.

ورتالىقتاعى ورگاندار جانە وعان توتە قاراستى قۇرىلىمداردىڭ ۇكىمەت قىزمەتكەرلەرىن قابىلداۋ ەمتيحانىن الۋ جانە قىزمەتكە قابىلداۋ ۋاقىتى كەشەۋىلدەدى. 

 

مەملەكەتتىك ۇكىمەت قىزمەتكەرلەرى مەكەمەسى حابارلاندىرۋ شىعارىپ بىلاي دەدى: ورتالىقتاعى ورگاندار مەن وعان توتە قاراستى قۇرىلىمداردىڭ 2020-جىلعى ۇكىمەت قىزمەتكەرلەرىن قابىلداۋ ەمتيحانىن الۋ، اشىق سارالاۋ، اشىق تاڭداپ ورنالاستىرۋ ۋاقىتى كەشەۋىلدەتىلەدى، ناقتىلى ورنالاستىرۋلار ايىرىم ۇقتىرىلادى. 

قاتىستى ورىنداردىڭ دوكتور اسپيرانتتىققا ەمتيحان بەرۋ، وقۋشى قابىلداۋ قىزمەتى كەشەۋىلدەيدى 

 

وقۋ-اعارتۋ مينيسترلىگىنىڭ قاتىستى تاراۋلارى ۇقتىرۋ باسىپ تاراتىپ، ٴىشىنارا جوعارى مەكتەپتەردىڭ ماگيسترلىق اسپيرانتتىققا قايتالاي ەمتيحان الىپ قابىلداۋ قىزمەتى مەن قاتىستى وقۋشى قابىلدايتىن ورىنداردىڭ دوكتورلىق اسپيرانتتىققا ەمتيحان الۋ، وقۋشى قابىلداۋ قىزمەتى كەشەۋىلدەيتىندىگىن، ناقتى قىزمەت ورنالاستىرۋىن قاتىستى وقۋشى قابىلدايتىن ورىنداردىڭ وزدەرى تۇرعان جەردەگى ولكە دارەجەلى جوعارى مەكتەپتەرگە وقۋشى قابىلداۋ كوميتەتىنىڭ جەتەكشىلىگىندە، ءوز جەرىنىڭ، ءوز ورنىنىڭ جۇقپالى اۋرۋدان ساقتانۋ جانە ونى تىزگىندەۋ احۋالىنا ۇشتاستىرا وتىرىپ وزدەرى بەلگىلەيتىندىگىن حابارلادى. 

 

4-ايدىڭ باسىندا وتكىزىلەتىن مەملەكەتتىك ماگيستر اسپيرانتتاردىڭ قايتالاي ەمتيحان تاپسىرۋ ۋاقىتىنىڭ كەشەۋىلدەۋى جونىندەگى ورنالاستىرۋلار ىندەت جاعدايىنا قاراي ايىرىم ۇقتىرىلادى. 

اعىلشىن تىلىنەن الىناتىن كاسىپتىك 4-جانە 8-دارەجە ەمتيحانىنىڭ ۋاقىتى كەشەۋىلدەيدى

 

جوعارى مەكتەپتەردىڭ شەتەل ٴتىلى كاسىپتىك وقىتۋىن سىناۋ كەڭسەسى مىنانى ۇقتىردى: 2020-جىلى 3-ايدىڭ 21-كۇنى وتكىزىلەتىن اعىلشىن تىلىنەن الىناتىن كاسىپتىك 8-دارەجە ەمتيحانى (TEM8) جانە 2020-جىلى 4-ايدىڭ 18-كۇنى وتكىزىلەتىن اعىلشىن تىلىنەن الىناتىن كاسىپتىك 4-دارەجە ەمتيحانىنىڭ (4TEM) ۋاقىتى ۇيلەسىمدى تەڭشەلەدى. ناقتىلى ەمتيحان ۋاقىتى ىندەت جاعدايىنا قاراي ايىرىم ۇقتىرىلادى.

2-ايدا الىناتىن بارلىق TOEFL، IELTS ەمتيحاندارى كۇشىنەن قالدىرىلادى

 

وقۋ-اعارتۋ مينسترلىگىنىڭ ەمتيحان ورتالىعى 1-ايدىڭ 27-كۇنى ۇقتىرۋ شىعارىپ: زەرتتەۋ ارقىلى سونداي-اق TOEFL ەمتيحانىن ۇيىمداستىرۋشى ا ق ش وقۋ-اعارتۋ ەمتيحان جونىنەن قىزمەت وتەۋ ورتالىعىمەن جانە IELTS ەمتيحانىن ۇيىمداستىرۋشى انگليا مادەنيەت وقۋ-اعارتۋ قوعامىمەن اقىلداسۋ ارقىلى، بۇگىننەن باستاپ، 2020-جىلى 2-ايدا بۇكىل ەل كولەمىندە جۇرىلەتىن TOEFL، IELTS ەمتيحاندارىنىڭ تۇگەلدەي كۇشىنەن قالدىرىلاتىندىعىن حابارلادى. ەمتيحان اقىسى تۇتاسىمەن ەمتيحانعا تىزىمدەلۋشىنىڭ ەسەبىنە قايتارىلادى. وقۋ-اعارتۋ مينسترلىگى ىندەت جاعدايىنا قاراي 2-ايدان كەيىن ەمتيحانعا تىزىمدەلۋ جانە ەمتيحان الۋ ورنالاستىرۋىن ۇقتىراتىن بولادى. 

قوعامدىق كوركەمونەرلىك ورە ەمتيحانىنىڭ ناق مايدان ەمتيحانى ۋاقىتشا توقتاتىلدى 

 

مادەنيەت جانە ساياحات مينسترلىگى عىلىم-تەحنيكا، وقۋ-اعارتۋ مەكەمەسى ۇقتىرۋ شىعارىپ، بۇكىل ەل كولەمىندە، قوعامدىق كوركەمونەرلىك ورە ەمتيحانىنىڭ ناق مايدان ەمتيحانى ۋاقىتشا توقتاتىلعاندىعىن، ناقتىلى قالپىنا كەلۋ ۋاقىتى ايىرىم ۇقتىرىلاتىندىعىن مالىمدەدى. 

 

اۋدارعان: شالقار قازەز ۇلى 

 

 

 

 

中央广播电视总台 央广网 版权所有

مىنا ەمتيحاندار كەشەۋىلدەتىلەدى نەمەسە ۋاقىتشا توقتاتىلادى

جوعارى مەكتەپ ەمتيحانى كەشىكتىرىلەمە؟ وقۋ-اعارتۋ مينيسترلىگى: ناقتى اتقارۋ جوباسى مۇقيات زەرتتەلىپ بەلگىلەنەدى،-دەدى