ينفورماتسيا اشكەرەلەۋ: mzjubao@cnr.cn

وزەكتى ماقالالار

بالىق تەرىسىنەن سۋرەت سالعان شەبەر

来源:央广网     |责编:达吾力别克|     发布日期: 2020-10-16 18:29

بالىق تەرىسىنەن سۋرەت سالعان شەبەر

 

بالىق تەرىسىنەن سۋرەت سالىپ، جۇرتتى تامساندىردى، شەبەرلىگىنە تاڭداي قاقپاي تۇرا المايسىڭ!

ورتالىق تەلەۆيزياسىنىڭ «دوڭگەلەك داۋلەتتى داۋىردەگى جاستار» اتتى جەلىلەس حابارىندا بالىق تەرىسىنەن سۋرەت سالاتىن جىگىت شيە يۇڭلياڭمەن تانىساسىزدار. 

حىجى ۇلتى ەلىمىزدەگى جان سانى ەڭ از ۇلتتاردىڭ ءبىرى. 

 

بۇكىل ەل بويىنشا 5 مىڭ جان سانى بار تاريحي كەزەڭدە، حىجى ۇلتى ەرتە كەزدە بالىق تەرىسىنەن كيىم كيگەندىكتەن «بالىق تەرىلى تايپا» دەپ اتالعان. كوپشىلىك حىجى ۇلتىنىڭ بالىق تەرىلى كيىم كيەتىنىن بىلگەنىمەن، بالىق تەرىسىنەن سالعان سۋرەت تۋرالى بىلە بەرمەۋى مۇمكىن. 

 

كەسكىندى اشىپ كورىڭىز، سىزدەرگە بالىق تەرىسىنەن سۋرەت سالاتىن جىگىتتى تانىستىرايىق. 👇

 

 

«ۋسسۋريدەگى كەمە ءانى» ادەمى ولەڭ. وسى ولەڭ شىعىس سولتۇستىكتەگى ءۇش وزەن جازىعىندا تىرشىلىك ەتەتىن حىجى ۇلتى تۋرالى ءتۇرلى قيالدارعا جەتەلەيدى. وسى بايىرعى ۇلت ۇزاق ۋاقىت بالىق اۋلاۋمەن شۇعىلدانعاندىقتان بالىق تەرىسىن پايدالانۋعا شەبەر بولعان. بالىق تەرىسىنەن جاسالعان كيىمدەر حىجى ۇلتىنىڭ ۋاكىلدىك سيپاتتى ۇلتتىق قولونەرىنە اينالعان. 

اۋلەتىندەگى بالىق تەرىسىنەن سۋرەت سالاتىن ءتورتىنشى ۇرپاق رەتىندە شيە يۇڭلياڭ ءوز ۇلتىنىڭ بالىق تەرىسى سۋرەتىنە كىشكەنتايىنان ەرەكشە قىزىعاتىن. وسى سەبەپتى داشۋەدە اسەمونەر كاسىبىن ارناۋلى وقىدى. 

بالىق تەرىسى سۋرەتىنە اناعۇرلىم كوپ كوركەمونەر تۋىندىلارىنىڭ ەلەمەنتتەرىن توعىستىرىپ، قازىرگى زامانداعى ەستەتيكا تالابىنا بارىنشا ۇيلەستىرۋ شيە يۇڭلياڭنىڭ ەجەلدەن بەرگى تۋىندى جاراتۋداعى قۇلشىنىس باعىتى بولدى. 

جالاڭ قولونەردەن كومپيۋتەردە دەتالمەن سۋرەت سالۋعا، شيكىزاتتى قيىپ قۇراستىرىپ جازىقتىق بەتكە ورنالاستىرۋدان سترەولى ويما ويۋعا، تۇرمىستىق بۇيىمداردى سىزۋدان كۇردەلى كوركەمونەر بۇيىمدارىن ازىرلەۋگە دەيىن، بالىق تەرىسىنەن سۋرەت سالۋ شيە يۇڭلياڭنىڭ شەبەر ساۋساقتارىندا اناعۇرلىم باي قولونەر شەبەرلىگى جانە ءار الۋان اسەمونەر پىشىندەرىن ايگىلەدى. 

بالىق تەرىسى جانە قايىڭ قابىعىنان سالىنعان سۋرەت

 

بۇل كۇندەرى شيە يۇيلياڭ حىجى جاڭا قىستاعىندا بالىق تەرىسىنەن سالىنعان سۋرەت كورگىزبەسىن اشتى. 

 

شيە يۇيلياڭ ساباق ءوتىپ شاكىرت باۋلۋ جانە بالىق تەرىسىنە سالىنعان سۋرەتتەردى كورمەگە قويۋ ارقىلى جۇرتقا حىجى ۇلتىنىڭ مادەنيەتىن تانىستىردى. وسى ارقىلى اتا مەكەنىنىڭ دامۋىن جەبەدى. «اكەدەن بالاعا ۇيرەتۋدەن»، «ۇستازدىڭ شاكىرت تاربيەلەۋىنە» قاراي اۋىسىپ، «جەكە ادامنىڭ مۇراگەرلىك ەتۋىنەن» «كوپ بولىپ مۇراگەرلىك ەتۋگە» كۇش شىعاردى. قولونەر شەبەرلىگىن كوپكە ۇيرەتىپ اماناتتاۋ تەك سەميانى اسىراپ، تىرلىك ەتۋ ءۇشىن كەرەك بولماستان، زاماننىڭ دامۋ ۇردىسىندە مادەني تۇپكى تەكتى ساقتاۋ، تاريحتى ەستەن شىعارماۋ، ۇلتتىق سەنىمدى نىعايتۋدا اسا ماڭىزدى رول اتقارادى

 

中央广播电视总台 央广网 版权所有

بالىق تەرىسىنەن سۋرەت سالعان شەبەر

بۇل كۇندەرى شيە يۇيلياڭ حىجى جاڭا قىستاعىندا بالىق تەرىسىنەن سالىنعان سۋرەت كورگىزبەسىن اشتى.