ينفورماتسيا اشكەرەلەۋ: mzjubao@cnr.cn

وزەكتى ماقالالار

جاڭ بولي جەدەل جولدامالار جايلى مىنانى ەسكەرتتى

来源:央广网     |责编:达吾力别克|     发布日期: 2020-11-18 19:32
جاڭ بولي جەدەل جولدامالاردى تاپسىرىپ العاننان كەيىن الدىمەن دەزينفەكسيالاۋدى ەسكەرتتى

11-ايدىڭ 13-كۇنىنەن 15-كۇنىنە دەيىن، قىسقا عانا 3 كۇن ىشىندە شانشي ولكەسىنىڭ شي-ان، شاندۇڭ ولكەسىنىڭ سىشۇي، جينان،  لياڭشان قالاسى، حىنان ولكەسىنىڭ جىڭجوۋ، حۋبەي ولكەسىنىڭ ۋحان قالاسى، فۋجياننىڭ چۋانجوۋ قالاسى، گانسۋ ولكەسىنىڭ لانجوۋ قالاسى قاتارلى 8 جەر حابارلاندىرۋ شىعارىپ،  سۋىق ورتادا جاڭا تيپتى ايدارشا  ۆيرۋسىنىڭ بولىمدى بولاتىندىعىن تەكسەرىپ شىققان.  

 

جۇڭگو ينجەنەريا اكادەمياسىنىڭ اكادەميگى، تيانجين جۇڭگوشا شيپاگەرلىك ۋنيۆەرسيتەتىنىڭ باستىعى جاڭ بولي مىناداي ۇسىنىس بەردى: سىرتتان كەلگەندەردەن قورعانۋمەن قاتار سىرتتان ەنگىزىلگەن زاتتاردان دا جۇعىمدالۋدان ساقتانۋ كەرەك.  مەملەكەتتىك كەڭەستىڭ قاتىستى تاراۋلارى كەدەننىڭ يمپورت ەتىلگەن توڭازىتىلعان زاتتاردى دەزينفەكسيالاۋ مەحانيزمىن باسقارۋ ـ مەڭگەرۋ ءادىسىن بەلگىلەدى. شەتەلدەگى اۋرۋ بەلگىسى جوق جۇعىمدالۋشىلاردىڭ سانى قاۋىرت ارتقاندىقتان، تەڭىز ونىمدەرى ازىق- تۇلىكتەرىن يمپورت ەتۋدەن سىرت، كەيبىر شەتەلدەگى حاۋىپ - قاتەرى جوعارى رايونداردا اۋە ارقىلى تاسىمالداناتىن جەدەل جەتكىزۋ جولدامالارى، حات-سالەمدەمەلەر سياقتى جولدامالار ىلەستىرگەن جاڭا تيپتى ايدارشا ۆيرۋسىن بايقاۋ وتە قيىن بولعاندىقتان جالپى بەتتىك دەزينفەكسيالاۋدا وڭايعا سوقپايدى.

 

جاڭ بولي كوپشىلىكتىڭ شەتەلدەگى حاۋىپ - قاتەرى جوعارى رايونداردان كەلگەن جەدەل جولدامالاردى، حات-سالەمدەمەلەردى جاپپاي دەزينفەكسيالاپ، جەدەل جولدامالاردى تاپسىرىپ العاندا ماسكى تاعىپ، قولعاپ كيۋدى، ەگەر حاۋىپسىز دەگەن كۇننىڭ وزىندە دە كۇن نۇرى تۇسەتىن اۋا الماساتىن ورىنعا قويىپ بىرنەشە كۇننەن كەيىن بارىپ پايدالانۋدى قاداعالادى. 

 

جاڭ بولي مىنانى ەسكەرتتى: 

(1) جەدەل جولداما جەتكىزۋشىلەر ماسكى تاعىپ، قولعاپ كيۋى، جولداما يەسىمەن جاناسپاۋى كەرەك. شەتەلدەگى حاۋىپ - قاتەرى جوعارى رايونداردان كەلگەن جەدەل جولدامالاردى تاپسىرىپ العاننان كەيىن الدىمەن دەزينفەكسيالاۋ، سونداي - اق سامالدىق سياقتى كۇن نۇرى تۇسەتىن اشىق جەرلەرگە ءبىراز ۋاقىت قويعاننان كەيىن اشۋ كەرەك؛

 

(2) توڭازىتىلعان ازىق - تۇلىكتەردى ساتىپ العاندا، تىكەلەي جۇعىسۋدان ساقتانۋ. مۇنداي ونىمدەردى ساقتاعان كەزدە، ەڭ ابزالى، دەربەس قوراپتاۋ كەرەك؛ تەڭىز ونىمدەرىن شيكى، سۋىق كۇيدە جەۋگە بولمايدى، تولىق پىسقان سوڭ بارىپ جەۋ كەرەك؛ ازىق - تۇلىك مانەرلەگەن كەزدە، شيكى، پىسقان تاعامداردى بولەك قويۋعادا كوڭىل ءبولۋ كەرەك.

 

اۋدارعان: مۇقامادي ءشارىپ ۇلى 

 

中央广播电视总台 央广网 版权所有

جاڭ بولي جەدەل جولدامالار جايلى مىنانى ەسكەرتتى

张伯礼建议:收到这些快递要先消杀!