ينفورماتسيا اشكەرەلەۋ: mzjubao@cnr.cn

وزەكتى ماقالالار

حالىققا ءتيىمدى جاڭا بەلگىلەمە — اۆتوكولىك تەكسەرۋى جايلى

来源:央广网     |责编:达吾力别克|     发布日期: 2020-11-21 19:02

اۆتوكولىك تەكسەرۋدىڭ جاڭا بەلگىلەمەسى بۇگىننەن باستاپ اتقارىلادى: كولىگىڭىزدى 10 جىلدا 2 رەت قانا تەكسەرتەسىز، بۇدان 170 ميلليوننان استام جەكە كولىك يەسى يگىلىككە كەنەلەدى

قوعام حاۋىپسىزدىگى مينيسترلىگى بۇگىن (11-ايدىڭ 20-كۇنى)، قوعام حاۋىپسىزدىگى قاتىناس ىستەرىن باسقارۋدىڭ ساۋدا ورتاسىن جاقسارتۋ جونىندەگى 12 ءتۇرلى جاڭا شاراسىن رەسمي اتقاردى، مۇنىڭ ىشىندە، جەكە كولىكتى جىلدىق تەكسەرۋدىڭ جاڭا بەلگىلەمەسى جۇرت قۇلاعىن ەلەڭ ەتكىزدى.

 

تەكسەرۋدى كەشىرىم ەتۋ كولەمىن كەڭەيتىپ، تەكسەرۋ پەريودىن ابزالداندىرىپ، 170 ميلليوننان استام جەكە كولىك يەسى يگىلىككە كەنەلەتىن بولدى

 

2020-جىلى 9-ايعا دەيىن، بۇكىل ەل بويىنشا ماتورلى قاتىناس كولىكتەرىنىڭ سانى 365 ميلليونعا جەتىپ، مۇنىڭ ىشىندە، اۆتوكولىكتەردىڭ سانى 275 ميلليونعا، شوفەرلەردىڭ سانى 450 ميلليونعا جەتكەن. بۇدان بۇرىن، قاتىناس تاراۋلارىنىڭ ىستەتىلگەنىنە 6 جىل تولماعان، تاسىمالمەن شۇعىلدانبايتىن، وتىراتىن ورنى 6 ورىننان تومەن شاعىن،  ميكرو تۇرپاتتى جولاۋشىلار كولىگىنىڭ جىلدىق تەكسەرۋىن كەشىرىم ەتۋ ساياساتىنان 190 ميلليون كولىك يەسى يگىلىكتەنىپ كەلگەن بولاتىن.

ماتەريالدىق سۋرەت. سۋرەتتى جۇڭشين جۇڭۋي مەدياسىنىڭ ءتىلشىسى جاڭ مىڭ تۇسىرگەن

 

11-ايدىڭ 20-كۇنىنەن باستاپ، قوعام حاۋىپسىزدىگى قاتىناس تاراۋلارى ىستەتىلگەنىنە 6 جىل تولماعان، تاسىمالمەن شۇعىلدانبايتىن، وتىراتىن ورنى 6 ورىننان تومەن كىشى جانە ميكرو تۇرپاتتى جولاۋشىلار كولىگىنىڭ جىلدىق تەكسەرۋىن كەشىرىم ەتۋ نەگىزىندە، تەكسەرۋدى كەشىرىم ەتۋ كولەمىن ونان ارى ۇلعايتىپ، ىستەتىلگەنىنە 6 جىل تولماعان، وتىراتىن ورنى 9-7 ورىندى، تاسىمالمەن شۇعىلدانبايتىن كىشى جانە ميكرو تۇرپاتتى جولاۋشىلار كولىگىن (مينيبۋستان سىرت) تەكسەرۋدى كەشىرىم ەتۋ كولەمىنە ەنگىزدى. مەرزىممەن ءار ەكى جىلدا ءبىر رەت تەكسەرۋ كەزىندە، ماتورلى كولىك يەسى قاتىناس شىرعالاڭىن زورلىقتى قامسىزداندىرۋدىڭ تالونىن، كولىك باجىسىن تاپسىرعان نەمەسە باجىنى كەشىرىم ەتكەن سپاتتى تاپسىرعاننان كەيىن، قوعام حاۋىپسىزدىگى قاتىناس باسقارۋ تاراۋلارىنا تەكسەرۋ بەلگىسىن تىكەلەي ءوتىنىش ەتىپ السا بولادى، تەكسەرۋ قۇرىلىمدارىنا بارىپ حاۋىپسىزدىك تەحنيكالىق تەكسەرتۋىن جاساتۋ قاجەتسىز.  

 

مۇنان باسقا، قاتىناس باسقارۋ تاراۋلارى ماتورلى قاتىناس كولىكتەرىنىڭ تەكسەرۋ پەريودىن ابزالداندىردى. ىستەتىلگەنىنە 6 جىلدان اسقان، 10 جىلعا تولماعان، تاسىمالمەن شۇعىلدانبايتىن، كىشى جانە ميكرو تۇرپاتتى كولىكتەردى (مينيبۋستان سىرت) ءار جىلدا ءبىر رەت تەكسەرۋدى، ءار ەكى جىلدا ءبىر رەت تەكسەرۋگە وزگەرتتى؛ ياعني، جەكە كولىكتەر 10 جىل ىشىندە، تەك التىنشى جىلى جانە سەگىزىنشى جىلى، 2 رەت قانا تەكسەرۋدەن وتەدى؛ ىستەتىلگەنىنە 10 جىلدان اسقان جەكە كولىكتەرگە قاراتا، اۋەلگىدەي بۇرىنعى بەلگىلەنگەن تەكسەرۋ پەريودى بويىنشا اتقارادى؛ ياعني، 15-10 جىل ىشىندە، ءار جىلدا ءبىر رەت تەكسەرەدى؛ 15 جىلدان جوعارى بولعاندارىن ءار جارىم جىلدا ءبىر رەت تەكسەرەدى.

قوعام حاۋىپسىزدىگى قاتىناس باسقارۋ تاراۋلارىنىڭ جاۋاپتىسى بۇكىل ەل بويىنشا، 170 ميلليوننان استام جەكە كولىك يەسى رەفورما الا كەلگەن تيىمدىلىكتەن يەگىلىكتەنەتىندىگىن ايتتى

مىسال كەلتىرەر بولساق، ەگەر، ءسىزدىڭ كولىگىڭىز 2014-جىلى 11-ايدىڭ 1-كۇنىنەن كەيىن تىزىمگە الىنعان بولسا، تەك التىنشى جىلى، سەگىزىنشى جىلى جانە ونىنشى جىلى عانا جىلدىق تەكسەرتۋىن جاساتساڭىز بولعانى. مۇندا، 2014-جىلى 11-ايدىڭ 1-كۇنىنەن، 2014-جىلى 12-ايدىڭ 31 كۇنىنە دەيىن، كولىگىن تىزىمگە الدىرعان كولىك يەلەرى، بيىل جىل اقىرىندا، كولىگىڭىزدى التىنشى جىلعى تەكسەرۋدەن وتكىزۋىڭىز كەرەكتىگى ەسىڭىزدە بولسىن.

 

مينشىڭ بانكەسى جىكۋ ماكرو اۋماق زەرتتەۋ توبىنىڭ جاۋاپتىسى يىڭ شيۋىن جۇڭشىن جيڭۋي مەدياسىنىڭ تىلشىسىنە بىلاي دەدى: «قاتىناس باسقارۋ تاراۋلارىنىڭ تەكسەرۋ كولەمىن ۇلعايتۋىنىڭ جانە تەكسەرۋدى كەشىرىم ەتۋ پەريودىن تەڭشەۋىنىڭ باستى سەبەبى، كولىكتەردىڭ ساپاسى مەن جاراقسىز گاز ىعىستىرۋ ولشەمىنىڭ جوعارىلاۋىنا بايلانىستى، كولىكتى ءار جىلى جىلدىق تەكسەرۋدەن وتكىزۋدىڭ قاجەتتىلىگى تومەندەپ، شاعىن تۇرپاتتى جولاۋشىلار كولىگىن تەكسەرۋدىڭ جىل شەگىن 6 جىلدان 10 جىلعا ۇزارتۋدىڭ سوبيەكتيۆ شارت-جاعادايى پىسىپ جەتتى. سونىمەن بىرگە، تۇرمىس ورەسىنىڭ جاقسارۋىنا ىلەسە، 9-7 ورىندى شاعىن تۇرپاتتى جولاۋشىلار كولىگىن ادەتتەگى وتباسىلارى مىنەتىن بولدى، بۇل بۇرىنعى، بازارداعى ءبىرشاما كوپ ۇشىرايتىن جولاۋشى تاسىمالىمەن شۇعىلداناتىن شاعىن جولاۋشىلار كولىگىنەن (مىسالى مينيبۋس) ايقىن پارىقتالادى، سوندىقتان،  9-7 ورىندى شاعىن تۇرپاتتى جولاۋشىلار كولىگىنىڭ ءبىر ءبولىمىن تەكسەرۋى كەشىرىم ەتىلەتىن قاتارعا ەنگىزىپ، حالىققا تيىمدىلىك جانە قولايلىلىق جاسالدى».

 

اۆتوكولىك كاسىبىنە تالداۋ جاساۋدىڭ ۇستازى جۇڭ ۇستاز بىلاي دەدى: «جاڭا بەلگىلەمەنىڭ شىعار ءتۇيىنى _ باسقارۋ تاراۋلارىنىڭ حالىققا قولايلى قىزمەت وتەۋىن ونان ارى جاقسارتۋ، جاڭا بەلگىلەمەنىڭ ورتاعا قويىلۋى ەلىمىز وندىرگەن 9-7 ورىندى شاعىن جولاۋشىلار كولىگى ماتورىنىڭ جاراقسىز گازدى ىعىستىرۋدى تىزگىندەۋى، جالپى بەتتىك ءبىرشاما جاقسى ولشەمگە جەتكەندىگىن تۇسىندىرەدى». 

 

اۆتوكولىك كاسىبىنە تالداۋ جاساۋدىڭ ۇستازى جاڭ شياڭ بىلاي دەپ قارادى: بۇگىنگى كۇندە، اۆتوكولىكتەردىڭ ساپاسى كورنەكتى دارەجەدە جوعارىلاپ، ءجيى-جيى تەكسەرۋدىڭ قاجەتتىلىگى قالمادى. مۇنان سىرت، كوپ ساندى اۆتوكولىكتەردىڭ قىزمەت وتەۋى توراپتاسىپ كەتتى، اۆتوكولىك كاسىپورىندارى مەرزىممەن توراپتا تەكسەرە الاتىن بولدى. 

ماماندار بىلاي دەپ قارادى: 9-7 ورىندى شاعىن تۇرپاتتى جولاۋشىلار كولىگىنە بولعان سۇرانىس ءبىراز جوعارىلايدى، جاڭا بەلگىلەمە بازاردىڭ باۋراۋ قۋاتىن بەلگىلى دارەجەدە ارتتىرادى

اۆتوكولىك بازارى ينفورماتسيا بىرلەستىگى قوعامىنىڭ حاتشىسى سۇي دۇڭشۋ جۇڭشين جيڭۋي مەدياسى ءتىلشىسىنىڭ تىلشىلىگىن قابىلداعاندا، بىلاي دەپ كورسەتتى: جىلدىق تەكسەرۋدىڭ جاڭا بەلگىلەمەسىندە، تەكسەرۋدى كەشىرىم ەتۋ كولەمىن ۇلعايتىپ، تەكسەرۋ پەريودىن تەڭشەۋى، 9-7 ورىندى شاعىن جولاۋشىلار كولىگىنە قاراتا ءتيىمدى بولىپ، كولىكتى تەكسەرۋ ۋاقىتىن قىسقارتتى. 

 

يىڭ شيۋىن بىلاي دەپ قارادى: قازىر، ەكىنشى بالانى الۋعا جول بەرۋ ساياساتىنىڭ جولعا قويىلۋىنا ىلەسە، وتباسىلارىنىڭ 9-7 ورىندى شاعىن جولاۋشىلار كولىگىنە بولعان قاجەتسىنۋى ءبىراز جوعارىلادى، ءبىراق، جىلدىق تەكسەرۋدىڭ اۋرەشىلىگى ساتىپ الۋ قىزعىندىلىعىن سۋىتتى، وسى بەلگىلەمە اتقارىلعاننان كەيىن، 9-7 ورىندى شاعىن تۇرپاتتى جولاۋشىلار كولىگىنە بولعان بازاردىڭ سۇرانىسى بەلگىلى دارەجەدە جوعارىلايدى.

 

جاڭ شياڭ بىلاي دەپ قارادى: جاڭا تەكسەرۋ بەلگىلەمەسى شىعۋدان بۇرىن، كوپتەگەن الارماندار كولىك ساتىپ العان كەزدە، جەتى ورىننان جوعارى كولىكتەردىڭ جىلدىق تەكسەرۋىن ويلاسقاندا، ءىرى تۇرپاتتى كولىك ساتىپ العىسى كەلمەيتىن ەدى، قازىر، ىستەتىلگەن ۋاقىتى 6 جىلدان اسپاعان، جولاۋشى تاسىمالداۋمەن شۇعىلدانبايتىن، 9-7 ورىندى شاعىن جولاۋشىلار كولىگىنىڭ (مينيبۋس مۇنىڭ سىرتىندا) تەكسەرۋدى كەشىرىم ەتۋ كولەمىنە ەنگىزىلۋى، 9-7 ورىندى كولىكتەردىڭ ساتىلۋىنا تۇرتكى بولادى.

 

تەكسەرۋدى كەشىرىم ەتۋ تەكسەرمەۋ دەگەندىك ەمەس، تەكسەرۋ تولىمدىلىعى بەلگىسىن جانەدە الۋىڭىز قاجەت

قاتىناس باسقارۋ تاراۋلارى مىنانى ەسكەرتتى: ىستەتىلگەن ۋاقىتى 6 جىلدان اسپاعان، جولاۋشى تاسىمالداۋمەن شۇعىلدانبايتىن، 9-7 ورىندى شاعىن جولاۋشىلار كولىگىنىڭ (مينيبۋس مۇنىڭ سىرتىندا) تەكسەرۋىن كەشىرىم ەتۋ تەكسەرمەۋ دەگەندىك ەمەس، كولىك يەسى جاڭا كولىكتى تىزىمگە الدىرعاننان كەيىنگى الدىڭعى التى جىل ىشىندە، ءار ەكى جىلدا ءبىر رەت، ماتورلى قاتىناس كولىكتەرىن تەكسەرۋدىڭ تولىمدىلىق بەلگىسىن الۋى قاجەت.

كەلۋ قاينارى: «قاتىناس باسقارۋ 12123» APP ى

 

تەكسەرۋ تولىمدىلىعى بەلگىسىن قاتىناس باسقارۋ تاراۋلارىنىڭ قىزمەت وتەۋ تەرەزەلىگىنەن ءوتىنىش ەتىپ السا دا،  «قاتىناس باسقارۋ 12123» APP ى ارقىلى ەلەكتروندى سپاتىن السا دا بولادى. 

 

قاتىناس تاراۋلارى مىناداي ەكى ءتۇرلى جاعدايدا، تەكسەرۋدى كەشىرىم ەتۋ ساياساتىنان يگىلىكتەنە المايتىندىعىن ەسكەرتتى: ءبىرى، كولىكتى ىسجۇزىندە ىستەتۋ بارىسىندا زاڭسىز وزگەرتۋ، كولىككە جولاۋشىمەن بىرگە جۇك باسۋ قاتارلى ماسەلەلەر كوپ ءجۇز بەرىپ، وسى سەبەپتەن كوپ ادام ولگەن جانە كوپ ادام جارالعان شىرعالاڭ تۋدىرسا، وسى رەتكى تەكسەرۋدى كەشىرىم ەتۋ كولەمىنە ۋاقىتشا ەنگىزىلمەيدى؛ ەكىنشى، تەكسەرۋى كەشىرىم ەتىلگەن كولىك، ەگەردە، ادام ءولىم-ءجىتىمى بولعان قاتىناس شىرعالاڭىن تۋدىرسا، نەمەسە زاڭسىز وزگەرتىپ، زاڭ بويىنشا ءبىر جاقتىلى ەتىلگەن، كولىكتىڭ حاۋىپسىزدىك يقۋاتىنا ىقپالى ءبىرشاما زور بولسا، وندا، بۇرىنعى بەلگىلەمەدەگى تەكسەرۋ پەريودى بويىنشا تەكسەرەدى. 

توراپتاستار قۋانا قول سوعىپ، «وتە جاقسى بولدى، حالىققا ءتىپتى دە ءتيىمدى ساياساتتاردىڭ اتقارىلۋىن ءۇمىت ەتەمى» دەستى

كەلۋ قاينارى: توراپتاستار تالقىسىنىڭ قيما سۋرەتى

 

جاقىنعى جىلداردان بەرى، قاتىناس باسقارۋ تاراۋلارى شىعارعان حالىققا ءتيىمدى ساياساتتار جونىندە، توراپتاستار بىرىنەن سوڭ ءبىرى ءسوز قالدىرىپ، ماداقتاۋ ايتىپ، بىلاي دەستى: «جەتى ورىندى كولىك الايىن دەپ ءجۇر ەدىم، قولايلى بولاتىن بولدى»، «حالىققا ءتيىمدى، كاسىپورىندارعا پايدالى بولىپتى، جۇرتتىڭ جۇمىس بىتىرۋىنە بارعان سايىن قولايلىلىق جاراتىلدى»، «حالىق تۇرمىسىنا قاتىستى، جۇرت تىلەگىنە ساي، جاقسى ساياسات بولىپتى»، «ءتىپتى دە كوپ، حالىققا ءتيىمدى ساياساتتار ورتاعا قويىلىپ، حالىققا تيىمدىلىك جاراتادى دەپ ءۇمىت ەتەمىز». 

 

كەلۋ قاينارى: توراپتاستار تالقىسىنىڭ قيما سۋرەتى

 

سونىمەن بىرگە، تاعى باسقا توراپتاستار دا بىلاي دەستى: «ساياسات حالىققا وتە ءتيىمدى ەكەن، باستى ءتۇيىن ونىڭ اتقارىلۋىندا، قىزمەت وتەۋدە».

 

يىڭ شيۋىن بىلاي دەپ ۇسىنىس بەردى: ءار ءتۇرلى كولىكتەردىڭ جۇمىسىن وزگە جەردە ءبىتىرۋ كولەمىن ونان ارى ۇلعايتۋ، مىسالى، ەكىنشى قول كولىكتەردىڭ وزگە جەردە ساتىلۋىن، ءار ءتۇرلى كولىكتەردىڭ راسمياتىن جاڭالاۋدى وزگە جەردە ءبىتىرۋ قاتارلىلارعا ونان ارى قولايلىلىق جاراتۋ. 

 

جۇڭ ۇستاز بىلاي دەدى: «بولاشاقتا، قاتىناس تاراۋلارى جولاۋشىلار كولىگىنىڭ حاۋىپسىزدىگى مەن گاز ىعىستىرۋ دەڭگەيىنىڭ سايكەستى جوعارىلاۋىنا ساي، ءتىپتى دە كوپ، حالىققا ءتيىمدى قىزمەت وتەۋ شارالارىن جالعاستى ورتاعا قويۋىنا بولادى».

 

قوعام حاۋىپسىزدىگى مينيسترلىگىنىڭ مالىمدەمەشىسى، اقپارات-ۇگىت مەكەمەسىنىڭ ەكىنشى دارەجەلى شارلاۋشىسى گۋو چياڭ، 10-ايدا وتكىزىلگەن قوعام حاۋىپسىزدىگى مينيسترلىگىنىڭ اقپار جاريالاۋ ماجىلىسىندە، بىلاي دەدى: «كەلەسى قادامدا، حالىق بۇقاراسىنىڭ تابىسقا جەتۋ سەزىمىن ونان ارى تاسقىنداتۋ، باقىتقا كەنەلەۋ سەزىمىن ونان ارى باياندى ساقتاۋ، حاۋىپسىزدىك سەزىمىن ونان ارى قامتاماسىزداندىرۋ ءۇشىن، قوعام حاۋىپسىزدىگى تاراۋلارى <ينتەرنەت + قوعام حاۋىپسىزدىگى ۇكىمەت ىستەرىنە قىزمەت وتەۋ> سايتى قۇرىلىسىن جالعاستى ىلگەرىلەتىپ، حالىققا ءتىپتى دە كوپ قىزمەت وتەيتىن كاسىپورىنداردى قۇرىپ، ساۋدا ورتاسىن ابزالداندىراتىن جاڭا ساياساتتىق شارالاردى زەرتتەپ ورتاعا قويادى». 

 

اۋدارعان: اناربەك ءابىلماجىن ۇلى 

 

中央广播电视总台 央广网 版权所有

حالىققا ءتيىمدى جاڭا بەلگىلەمە — اۆتوكولىك تەكسەرۋى جايلى

اۆتوكولىك تەكسەرۋدىڭ جاڭا بەلگىلەمەسى بۇگىننەن باستاپ اتقارىلادى: كولىگىڭىزدى 10 جىلدا 2 رەت قانا تەكسەرتەسىز، بۇدان 170 ميلليوننان استام جەكە كولىك يەسى يگىلىككە كەنەلەدى