ينفورماتسيا اشكەرەلەۋ: mzjubao@cnr.cn

وزەكتى ماقالالار

ەكى ورىنداعى ىندەت قاينارى تەكسەرىلىپ انىقتالدى

来源:央广网     |责编:阿依娜|     发布日期: 2021-01-13 10:49

 

1-ايدىڭ 11-كۇنى، شىنياڭ قالاسى مەن داليان قالاسى جەكە-جەكە ىندەتتەن ساقتانۋ –تىزگىندەۋ جونىندەگى اقپارات جاريالاۋ ءماجىلسىن اشتى، ەكى قالانىڭ قاتىستى جاۋاپتىلارى ماجىلىستە جەكە-جەكە جەرگىلىكتى ورىنداعى ىندەتتىڭ تارالۋ قاينارىن حابارلاندىردى: شىنياڭ قالاسىنداعى شەتەلدەن كىرگەندەردى اۋاشالاۋ كۇشىنەن قالدىرىلعاننان كەيىن، اۋرۋ بەلگىسى بايقالىپ، ىندەتتىڭ جالعاستى تارالۋىن كەلتىرىپ شىعارعان؛ داليان قالاسىنداعى وسى رەتكى ىندەت جاڭا تيپتى ايدارشا ۆيرۋسپەن جۇعىمدالعان يمپورت ەتىلگەن مۇزداتىلعان ونىمنەن تارالعان. 

 

شىنياڭ قالاسى وسى رەتكى ىندەتتىڭ تارالۋ قاينارىن جاريالادى: شەتەلدەن كىرگەندەردى اۋاشالاۋ كۇشىنەن قالدىرىلعاننان كەيىن، اۋرۋ بەلگىسى بايقالىپ، ىندەتتىڭ جالعاستى تارالۋىن كەلتىرىپ شىعارعان.

1-ايدىڭ 11-كۇنى تۇستەن كەيىن، شىنياڭ قالاسى ىندەتتەن ساقتانۋ –تىزگىندەۋ جونىندەگى اقپارات جاريالاۋ ءماجىلسىن اشتى.

 

شىنياڭ قالالىق اۋرۋدان ساقتانۋ جانە تىزگىندەۋ ورتالىعىنىڭ مەڭگەرۋشىسى سۇن بايجۇن اقپارات جاريالاۋ ماجىلىسىندە ەپيدەميولوگيالىق تەكسەرۋ، ساندى مالىمەتتەرگە تالداۋ جاساۋ، نۋكلەين قىشقىلىن تەكسەرۋ، قان سارىسۋىن انتيدەنەلىك تەكسەرۋ جانە جالپى گەندەر جيناعىنا تالداۋ جاساۋ ارقىلى شىنياڭ قالاسىنداعى وسى رەتكى ىندەت قاينارىن تۇراقتاندىرىپ، تارالۋ تىزبەگىن نەگىزىنەن مەڭگەرگەندىگىن حابارلاندىردى.

 

شىنياڭ قالاسىنداعى وسى رەتكى ىندەت قاينارى شەتەلدەن كىرگەندەردى اۋاشالاۋ كۇشىنەن قالدىرىلعاننان كەيىن، اۋرۋ بەلگىسى بايقالىپ، شيپاحاناعا بارىپ تەكسەرىلۋ جانە وتباسىندىق، الەۋمەتتىك اۋماق قيمىلدارعا قاتىناسۋ ارقىلى وسى ناۋقاستار نەمەسە جۇعىمدالۋشىلار قاتىستى بولعان وتباسىندا جانە الەۋمەتتىك الاڭدارداعى ىندەت جاعدايىنىڭ تارالۋىن كەلتىرىپ شىعارعان. بۇل رەتكى ىندەتكە شالدىعۋشىلار نەگىزىنەن تىعىز جاناسۋشىلاردى تەكسەرۋ ارقىلى بايقالعان، كەزەكتە ناق مايدانعا ەپيدەميولوگيالىق تەكسەرۋ جانە تاجىريبەحانالىق سارالاۋ جۇرگىزۋدە.

 

داليان قالاسىنداعى وسى رەتكى ىندەت جاڭا تيپتى ايدارشا ۆيرۋسپەن جۇعىمدالعان يمپورت ەتىلگەن مۇزداتىلعان ونىمنەن تارالعان.

1-ايدىڭ 11-كۇنى تۇستەن كەيىن، داليان قالالىق ۇكىمەتتىڭ اقپارات كەڭسەسى جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنەن ساقتانۋ –تىزگىندەۋ قىزمەتى جونىندەگى 71-رەتكى اقپارات جاريالاۋ ءماجىلسىن اشىپ، ىندەتتەن ساقتانۋ –تىزگىندەۋدىڭ ەڭ جاڭا جاعدايىن حابارلاندىردى.

 

ىندەت جاعدايىنىڭ دامۋى مەن تەكسەرۋ قىزمەتىنىڭ ىشكەرىلەي جۇرگىزۋىلىنە بايلانىستى داليان قالاسى 1-ايدىڭ 11-كۇنىنە دەيىنگى 83 ناۋقاستىڭ جۇعىمدالۋ جاعدايىنا جان-جاقتىلى سارالاۋ جۇرگىزدى. كەزەكتە داليان قالاسىنداعى ىندەت قاينارى العاشقى قادامدا تۇراقتاندىرىلىپ، تارالۋ تىزبەگى نەگىزىنەن مەڭگەرىلىپ، ناۋقاستارمەن بولعان قارىم-قاتىناس ايقىندالعان. 

 

دياگنوزى تۇراقتانعان ناۋقاس، اۋرۋ بەلگىسى جوق جۇعىمدالۋشى جانە قاتىستى ورتا، زاتتاردان الىنعان ۆيرۋس ۇلگىسىنىڭ جالپى گەندەر جيناعىنا تالداۋ جاساۋ ارقىلى ۆيرۋستىڭ گەندەر جيناعى وسىدان بۇرىن داليان قالاسىندا بايقالعان جاڭا تيپتى ايدارشا ۆيرۋستىڭ جالپى گەندەر جيناعىمەن سالىستىرعاندا قاينارى ۇقسامايتىندىعىن، جەرگىلىكتى ورىندا جاڭا تيپتى ايدارشا ۆيرۋستىڭ ۇزدىكسىز تارالۋىن جوققا شىعاراتىندىعىن؛ ونىڭ ۇستىنە، ەلىمىزدىڭ بۇرىننان بەرگى حابارلاپ كەلگەن سىرتتان كىرۋ سيپاتىنداعى ناۋقاس جانە ەل ىشىندەگى ناۋقاستارمەن گەندىك قاتىسى جوق، ءبىر رەتكى جاڭادان كىرگەن ۆيرۋس ەكەندىگىن بايقاعان. تەكسەرۋ ناتيجەسى جۇعىمدالۋ قاينارىنىڭ شەتەلدەن كىرگەندىگىن، العاشقى قادامدا وسى رەتكى داليانداعى ىندەت جاعدايىنىڭ قاينارى جاڭا تيىپتى ايدارشا ۆيرۋسپەن جۇعىمدالعان يمپورت ەتىلگەن مۇزداتىلعان ءونىم ەكەندىگىن تۇراقتاندىردى.

 

كەزەكتەگى دالەل-سپاتتارعا العاشقى قادامدا سارالاۋ جۇرگىزۋگە نەگىزدەلگەندە، بۇل رەتكى ىندەتتەگى باسىم كوپ ساندى جۇعىمدالۋشىلار داليان پورتىنداعى جۇمىسشىلار رەسەي جۇك كەمەسىندەگى ايدارشا ۆيرۋستى تەكسەرۋ ناتيجەسى بولىمدى بولعان بولشەك قوراپتالعان زاتتى تاسۋ بارىسىندا جۇعىمدالعان، سوڭىنان پورتتاعى جۇمىسشىلار ارقىلى جينزو ساۋدا سارايىندا ساۋداگەرلەر مەن الارماندارعا جۇعىمدالعان ٴارى جۇعىمدالعان ساۋداگەرلەر مەن الارماندار ارقىلى جالعاستى تارالعان. كەزەكتە 83 جۇعىمدالۋشىنىڭ جۇعىمدالۋ قاينارى تولىق ايقىندالدى.

 

كەزەكتە، عىلىمي تۇجىرىمداۋ، دالمە-ٴدال ساقتانۋ-تىزگىندەۋ ارقىلى داليان قالاسىنىڭ ىندەت جاعدايى جالپى تۇلعالىق جاقتان ساقتانۋعا تىزگىندەۋ بەت الىپ، ىندەت قاينارىنا قاتىستى ادامدار مەن زاتتار- ٴونىمدى مەڭگەرىلىپ، ىندەت قاينارى جويىلعان.

 

اۋدارعان: تۇيمەقان يساقان قىزى

来源:人民网

 

 

 

 

文章已于 修改

    中央广播电视总台 央广网 版权所有

    ەكى ورىنداعى ىندەت قاينارى تەكسەرىلىپ انىقتالدى

    شىنياڭ قالاسى مەن داليان قالاسى جەكە-جەكە ىندەتتەن ساقتانۋ –تىزگىندەۋ جونىندەگى اقپارات جاريالاۋ ءماجىلسىن اشتى