ينفورماتسيا اشكەرەلەۋ: mzjubao@cnr.cn

ۋنيۆەرسال

ازاماتتىق ىستەر زاڭناماسى تۇرمىسىمىزدى ءتىپتى دە ارلەندىرەدى

来源:Kazakcnr     |责编:达吾力别克 |     发布日期: 2020-07-18 18:16

پىڭ في


ازاماتتىق زاڭنامانى قۇراستىرۋ - قازىر اتقارىلىپ وتىرعان ازاماتتىق ىستەر زاڭىن جۇيەلىلەندىرۋ، ارناعا ءتۇسىرۋ قاجەتىمەن وڭدەلىپ جاسالۋ ارقىلى ازاماتتىق ىستەر زاڭدىق جۇيەسىنىڭ «قان تامىر جۇلگەسىن اشىپ»، زاڭ تارماقتارىن «ىشكەرىلەي وڭدەۋدى» جۇزەگە اسىرۋ ءۇشىن بولىپ وتىر.


ازاماتتىق زاڭنامانىڭ ەڭ جارقىن ءتۇيىنى - «سالاۋاتتىق ۇقىقتى» دەربەس قۇراستىرىپ، 21 - عاسىرداعى ينفورماتسيالىق قوعامنىڭ ارتقى كورىنىسىندەگى سالاۋاتتىق ۇقىقتى قورعاۋدىڭ ەرەكشە قۇنىن ايگىلەگەنى بولدى.


زاڭ ءداۋىر تالابىنا ساي كەمەلدەنسە جونگە سالا الادى، جونگە سالۋ اۋقىمعا ۇيلەسسە تابىستى بولادى. زاڭنىڭ جاسالۋى، كەمەلدەنۋى ءوز ءداۋىرى مەن مادەنيەتىنىڭ نارىنەن ايىرىلا المايدى.


سەگىز جاسقا تولماعان بالا اكە - شەشەسىنىڭ بانكە ەسەبىنەن توراپ باسقارۋشىعا 100 مىڭ يۋان اقشانى جاسىرىن اۋدارسا، بۇل اقشانى قايتارىپ الۋعا بولا ما؟ شاعىن تۇرعىندار رايونىندا بىرەۋ عيماراتتان زات لاقتىرىپ ادام زاقىمدالىپ، زات لاقتىرعان ادام تابىلماسا، كىمنەن تولەم تالاپ ەتۋ كەرەك؟ مايعا العان ءۇيدىڭ مەرزىمى تولماي تۇرىپ، ءۇي يەسى ءۇيدى ساتىپ جىبەرىپ، مايعا الۋشىنىڭ كوشىپ كەتۋىن تالاپ ەتسە قايتۋ كەرەك؟ مەملەكەتتىك 13 - كەزەكتى حالىق قۇرىلتايىنىڭ 3 - ماجىلىسىندە داۋىسقا سالىپ ماقۇلدانعان «جۇڭحۋا حالىق رەسپۋبليكاسىنىڭ ازاماتتىق ىستەر زاڭناماسىنان» جوعارىداعىداي ماسەلەلەرگە سايكەستى زاڭدىق جاۋاپ تابۋعا بولادى. 7 قوسىمشا ەرەجە، 84 تاراۋ، ءبىر مىڭ 260 تارماق، مازمۇنى 100 مىڭ ارىپتەن اساتىن «قوعامدىق ءومىردىڭ ەنتسيكلوپەدياسى» دەگەن قۇرمەتتى ات بەرىلگەن وسى زاڭ جيناعى تۇرمىسىمىزدىڭ ءتۇرلى جاقتارىنا تەرەڭ ىقپال جاسايدى.


ازاماتتىق ىستەر زاڭ - ءتۇزىمى قانشالىق ماڭىزدى؟ بۇل جونىندە كوپ ادام ويلاپ كورمەگەن دە بولار. جاڭا جۇڭگو قۇرىلعاننان كەيىن ماقۇلدانعان تۇڭعىش زاڭ -نەگىزگى زاڭ، قىلمىستىق ىستەر زاڭى ەمەس، قايتا ازاماتتىق ىستەر سالاسىنداعى نەكە زاڭى بولاتىن. قوعامدىق ءتارتىپتىڭ ورناۋى، حالىق ۇقىعىنىڭ قامتاماسىزداندىرىلۋ سياقتىلاردىڭ ءبارى نەگىزدىك ازاماتتىق ىستەر زاڭدىق قاتىناسىنىڭ رەتتەلۋى مەن جۇيەلىلەنۋىنە بايلانىستى بولعان. اسىرەسە، رەفورما جاساپ، ەسىك اشقاننان بەرى سوتسياليستىك بازار شارۋاشىلىعىنىڭ دامۋى ازاماتتىق ىستەر زاڭدىق تۇزىمىنە ءتىپتى دە جوعارى تالاپتار قويدى. بازار تۇلعالارى اراسىنداعى ۇقىق - بورىش قاتىناسىن اناعۇرلىم ايقىنداعاندا عانا ازاماتتاردىڭ ازاماتتىق ىستەر ۇقىعىنا كەپىلدىك ەتۋ، ساۋدا، ايىرباس جۇمىستارى سياقتىلاردىڭ ٴساتتى جۇرگىزىلۋىنە تولىق كەپىلدىك ەتۋگە بولادى. وسىنداي جاعدايدا ازاماتتىق ىستەر زاڭىنىڭ جالپى ەرەجەلەرى، كەپىلدىك زاڭى، توقتام زاڭى سياقتىلار ىركەس - تىركەس جارىققا شىعىپ، ەلىمىزدىڭ ازاماتتىق ىستەر زاڭ - ءتۇزىمى كۇن سايىن كەمەلدەندى.


ازاماتتىق ىستەر زاڭ - ءتۇزىمى ءبىرشاما كەمەلدەنگەن ەكەن، وندا نە ءۇشىن ازاماتتىق ىستەرگە قاتىستى زاڭداردى زاڭناما ەتىپ قۇراستىرۋ قاجەت؟ اسىلىندە ازاماتتىق ىستەر زاڭىن رەتتەۋدەگى تۇلعا كوپ، شارپيتىن اۋماعى كەڭ، قاتىناسى كۇردەلى، قاتىستى زاڭ تارماقتارىنىڭ سانى دا وتە كوپ، مۇنىڭ ىشىندە تاعى سايكەسپەيتىن بىركەلكىلەنبەگەن، ءتىپتى، ءوزارا قايشى كەلەتىن جەرلەر دە بار. سوندىقتان، ازاماتتىق زاڭنامانى قۇراستىرۋ - استە، ادەتتەگى زاڭدىق توپتاما جاساۋ ەمەس، قايتا قازىر اتقارىلىپ وتىرعان ازاماتتىق ىستەر زاڭىنىڭ ولشەمدەرىن جۇيەلىلەندىرۋ، ارناعا ءتۇسىرۋ ارقىلى ازاماتتىق ىستەر زاڭ جۇيەسىنىڭ «قان تامىر جٷلگەسىن اشىپ»، زاڭ تارماقتارىن «ىشكەرىلەي وڭدەۋدى» جۇزەگە اسىرۋ بولىپ تابىلادى. ءىس جۇزىندىك جاعدايعا ۇيلەسپەيتىن بەلگىلەمەلەرگە وزگەرىس ەنگىزىپ، كەمەلدەندىرىپ، ەكونوميكالىق، قوعامدىق ومىردە جارىققا شىققان جاڭا جاعدايلار، جاڭا ماسەلەلەر جونىندە باعىتتامالى جاڭا بەلگىلەمەلەر بەلگىلەۋ سياقتى جۇيەلىلەندىرۋ، ارناعا ءتۇسىرۋ ارقىلى ازاماتتىق زاڭنامانىڭ ‹‹ 2<1 + 1 » ونىمدىلىگىن ساۋلەلەندىرۋگە بولادى.


زاڭ ءداۋىر تالابىنا ساي كەمەلدەنسە جونگە سالا الادى، جونگە سالۋ اۋقىمعا ۇيلەسسە تابىستى بولادى. ەكونوميكا، قوعام ۇزدىكسىز دامىپ، تۇرمىس فورماسى ۇزدىكسىز وزگەرىپ، قوعامدىق قاتىناستار ۇزدىكسىز رەتتەلۋدە، وسىعان ساي قوعامدىق قاتىناستاردى رەتتەيتىن ازاماتتىق ىستەر زاڭى دا داۋىرمەن بىرگە العا ىلگەرىلەۋى قاجەت. بۇگىنگى جۇڭگونىڭ ازاماتتىق ىستەر زاڭناماسىن 21 ـ عاسىرداعى ينتەرنەت، جوعارى عىلىم - تەحنيكا داۋىرىندەگى ازاماتتىق ىستەر زاڭناماسىنىڭ ۋاكىلى دەۋگە بولادى. ازاماتتىق زاڭ جيناعىنىڭ ەڭ كورنەكتى ءتۇيىنى، اتاپ ايتقاندا، «سالاۋاتتىق ۇقىقتى» دەربەس قۇراستىرىپ، ءداستۇرلى ۇلى قۇرلىق زاڭ جۇيەسىنىڭ «مال - مۇلىكتى ماڭىزدى ورىنعا قويىپ، ادامعا جەڭىل قارايتىن» جۇيەلىك كەمىستىگىن تولىقتاۋ. سونىمەن بىرگە 21 - عاسىرداعى ينفورماتسيالانعان قوعامدىق جاعدايداعى سالاۋاتتىق ۇقىقتى قورعاۋدىڭ ەرەكشە قۇنىن ايگىلەۋ.


ۇزدىكسىز مازالايتىن تەلەفوندارعا قالاي توتەپ بەرۋ كەرەك؟ كەسكىن اپپاراتىمەن جاسىرىن سۋرەتكە ءتۇسىرىپ السا ونى قالاي ءبىر جاقتى ەتۋ كەرەك؟ AI ارقىلى بەت الپەت اۋىستىرۋ، باسقالاردىڭ داۋىسىن جالعاننان جاساۋ ۇقىققا قول سۇققاندىق ەسەپتەلە مە؟ وسى داۋىردە جاساپ جاتقان ادامدار ءدوپ كەلۋى مۇمكىن بولعان وسى ماسەلەلەردىڭ بارىنە ازاماتتىق ىستەر زاڭناماسىنان جاۋاپ تابۋعا بولادى. وسى جاعىنان العاندا قۇزىرلى ءارى قاتاڭ وسى ازاماتتىق زاڭناما ينفورماتسيالاعان ءداۋىردىڭ «تۇرمىستىق قىبلاناماسى» ەمەس پە؟


زاڭنىڭ جاسالۋى، كەمەلدەنۋى ءوز ءداۋىرى مەن مادەنيەتىنىڭ نارىنەن ايىرىلا المايدى. ازاماتتىق ىستەر زاڭناماسىندا جاڭادان بەلگىلەنگەن «نەكەدەن اجىراسۋدىڭ ۇستامدى مەزگىلى» جۇرت نازارىن اۋداردى جانە بۇل جونىندە قىرۋار تالقى دا بولدى، مۇنداي «ءتۇزىم جوباسىنىڭ» ءوزى جۇڭگونىڭ ءداستۇرلى مادەنيەتىندەگى ەرلى - زايىپتىلاردىڭ جاراسىمدىلىعىن دارىپتەيتىن، وتباسىنىڭ قۇنىن قاستەرلەيتىن مادەنيەت كوزقاراسىن ايگىلەدى. بۇدان سىرت ازاماتتىق ىستەر زاڭناماسىندا « تاماشا وتباسى سالتى» ارناۋلى بايىمدالدى، سونىمەن بىرگە، ساۋدا مەن ەر - ايەل تەڭدىگى بارىسىندا وتباسىنىڭ تاتۋلىعىن قورعاۋدىڭ قۇن بەتالىسى اناعۇرلىم كورنەكتىلەندى. وسى تەكتەس بەلگىلەمەلەر جۇڭگونىڭ تاڭداۋلى ءداستۇرلى مادەنيەتىنەن ءنار الىپ، «جۇڭگوشا ەرەكشەلىكتى» ايگىلەپ قانا قويماي، دۇنيە جۇزىلىك ازاماتتىق ىستەر سالاسىندا زاڭ شىعارۋ دا قاستەرلەۋگە تاتيتىن باعالى بايلىق جانە تاجىريبە بولىپ تابىلادى.


زاڭنىڭ ومىرشەڭدىك قۋاتى اتقارۋدا. بولاشاقتا ازاماتتىق زاڭ جيناعىنىڭ اتقارىلۋى - ەلىمىزدىڭ زاڭ - ءتۇزىم قۇرىلىسى سالاسىنداعى ءىرى ءىس، بۇل زاڭ شىعارۋ، ءادىليا، زاڭ اتقارۋ سياقتى بۋىندار مەن تارتىپتەردە بەينەلەنەنىپ قانا قالماستان، ءاربىر ازاماتتىڭ، ءاربىر ازاماتتىق ىستەر زاڭدىق تۇلعاسىنىڭ وعان قاتىسۋىن، زاڭعا قۇرمەت ەتۋىن، ەرەجەگە بويسۇنۋىن قاجەت ەتەدى. ورتاق قۇلشىنساق بولعانى جۇڭگوشا ەرەكشەلىككە يە، ءداۋىر ەرەكشەلىگىن ايگىلەيتىن، حالىقتىڭ تىلەگىن بەينەلەيتىن وسى زاڭ جيناعى، ءسوز جوق، ەڭ زور ونىمدىلىگىن ساۋلەلەندىرە الادى، زاڭمەن باسقارىلاتىن جۇڭگو قۇرىلىسى، ءسوز جوق، تاعى دا تىڭ بەلەسكە كوتەرىلەدى.


اۋدارعان: سەرىك سابىر ۇلى

中央广播电视总台 央广网 版权所有

ازاماتتىق ىستەر زاڭناماسى تۇرمىسىمىزدى ءتىپتى دە ارلەندىرەدى

ازاماتتىق زاڭنامانى قۇراستىرۋ - قازىر اتقارىلىپ وتىرعان ازاماتتىق ىستەر زاڭىن جۇيەلىلەندىرۋ، ارناعا ءتۇسىرۋ قاجەتىمەن وڭدەلىپ جاسالۋ ارقىلى ازاماتتىق ىستەر زاڭدىق جۇيەسىنىڭ «قان تامىر جۇلگەسىن اشىپ»، زاڭ تارماقتارىن «ىشكەرىلەي وڭدەۋدى» جۇزەگە اسىرۋ ءۇشىن بولىپ وتىر.