ينفورماتسيا اشكەرەلەۋ: mzjubao@cnr.cn

ۋنيۆەرسال

بالاعا ۇسىناتىن 9 ءتۇرلى ۇلكەن ساۋعا

来源:جۇڭگو قازاق راديو تورابى     |责编:古丽美热|     发布日期: 2020-09-04 09:59

 

    ءبىرىنشى، بالاعا قىزۋ سۇيىسپەنشىلىك ۇستانۋ. بالا شارشاعاندا نەمەسە رۋحي جاقتان جابىرگە ۇشىراعاندا بالامىزدى قۇشاعىمىزعا قىسىپ ەرەكشە جاقسى كورەتىندىگىمىزدى ٴبىلدىرۋىمىز، سونىمەن بىرگە بالامەن بىرگە ۇيىقتاپ، بىرگە تاماقتانىپ، ولارمەن بىرگە بالالار وينىن ويناپ، ولارعا وزىمىزدىڭ قىزۋ سۇيىسپەنشىلىگىمىزدى ءتۇرلى جولدار ارقىلى ءبىلدىرىپ وتىرۋىمىز كەرەك. 

    ەكىنشى، بالاعا قاتاڭ بولۋ ءارى بوساڭسىماۋ. بالاعا قاتاڭ بولۋدا بالانىڭ ءتارتىپ – تۇزىمىگە سانالى بويسىنۋ ادەتىن قالىپتاستىرۋمەن بىرگە ولاردىڭ جاعىمىسىز قىلىقتارىن تەجەپ، ءساتى تۇسكەندە ولاردىڭ ءار ءتۇرلى ناشار ادەتتەرىن دەر كەزىندە تۇزەتىپ وتىرۋلارىنا كومەكتەسۋ. 

    ءۇشىنشى، ءوز باسىڭنان ونەگە كورسەتە ءبىل، ءار كەز وزىڭە ەسكەرتۋ بەرىپ وتىر. سەبەبى، بالاڭ سەنىڭ ءاربىر ىستەگەن ىسىڭمەن ءار ءبىر اۋىز سوزىڭە بىردە بولماسا دا بىردە ءساپ سالىپ وتىرادى. 

    ٴتورتىنشى، بالاعا ءوزىن قۇرمەتتەۋدى ۇيرەتۋ. بالانىڭ كۇندەلىك دامۋ بارىسى مەن اتا – انانىڭ بالاعا قويعان تالابى بىردەي بولماۋى نەمەسە ونىڭ كەيبىر قيمىل بەينەسى ءبىزدى ۇمىتسىزدەندىرۋى مۇمكىن. ءبىراق ءبىز مۇنداي كەزدە وتە ۇستامدى پوزيتسيادا بولىپ، ولاردىڭ دارالىق ەرەكشەلىكتەرىنە قۇرمەت ەتىپ، وزدەرىن دە كىشكەنە كەزىنەن باستاپ باسقالاردى قۇرمەتتەگەندەي وزدەرىن دە قۇرمەتتەي ءبىلۋدى ۇيرەتىپ وتىرۋ وتە ماڭىزدى. 

    بەسىنشى، تابىسقا جەتۋ سەنىمىن شىڭاي ءتۇسۋ. بالانىڭ كەيبىر قابىلەتىن كورنەكتىلەندىرەتىن جۇمىستاردى ىستەتۋ، سوڭىنان ولاردىڭ ىستەگەن جۇمىستارىن باعالاپ، ولاردى كوپتەپ شابىتتاندىرىپ وتىرۋ. 

    التىنشى، بالانى مەرزىمدى ۋاقىتتاردا دوحتىرحاناعا اپارىپ تەكسەرتىپ تۇرۋ، دەنساۋلىقتىڭ وتە ماڭىزدى ەكەنىن، وسى ارقىلى ناشار تۇرمىس ادەتتەرىنىڭ دەنساۋلىققا وتە زياندى ەكەنىن ۇعىندىرۋ. 

    جەتىنشى، ۇيرەنۋىنە ۇزدىكسىز دەم بەرىپ وتىرۋ. بالاعا جاراتىلىس دۇنيە مەن اينالامىزداعى زاتتارعا بولعان قىزىعۋ اۋەسىن جەتىلدىرۋگە ەرەكشە ءمان بەرۋ. بالامەن كوپ سىرلاسىپ وتىرۋ، پىكىرىنە قۇرمەت ەتۋ، ولاردىڭ كوڭىل تۇكپىرىندەگى ارمان-مۇراتى مەن قىيىن ماسەلەلەر جونىندە ولارمەن كەڭەسۋ ارقىلى ءبىر جايلى ەتۋ. 

    سەگىزىنشى، بالاعا ۇدايى جادىراڭقى كوڭىل-كۇيمەن مامىلە جاساۋ. وسىلاي بولعاندا ولاردا كوڭىلدى بولادى، اراداعى سۇيىسپەنشىلىك بارىنشا جوعارىلايدى ءارى ولارمەن بىرگە قىزىقتى كىتاپ وقۋ، قىزىقتى كينو فيلىمدەردى بىرگە كورۋ، بىرگە شاتتانا ءبىلۋ. 

    توعىزىنشى، بالانى وزىمەن شامالاس بالالارمەن بىرلىكتە ويناۋعا شابىتتاندىرىپ وتىرۋ. ەمىن-ەركىن ويناۋ بارىسىندا كەيبىر قاعىيدالاردى ءتۇسىنىپ جەتەدى، ۇيرەنۋ قاربالاستىعى جەڭىلدەيدى، كوز ايالارى كەڭەيەدى. 

        اۋدارعان : نۇرلان قاناش ۇلى
قۇتىبي اۋدانى تورعايتى قالاشىق باستاۋىش مەكتەبى

中央广播电视总台 央广网 版权所有

بالاعا ۇسىناتىن 9 ءتۇرلى ۇلكەن ساۋعا

بالانى وزىمەن شامالاس بالالارمەن بىرلىكتە ويناۋعا شابىتتاندىرىپ وتىرۋ. ەمىن-ەركىن ويناۋ بارىسىندا كەيبىر قاعىيدالاردى ءتۇسىنىپ جەتەدى، ۇيرەنۋ قاربالاستىعى جەڭىلدەيدى، كوز ايالارى كەڭەيەدى