ينفورماتسيا اشكەرەلەۋ: mzjubao@cnr.cn

ۋنيۆەرسال

8 يۋان توناپ 1 جىلعا سوتتالدى

来源:جۇڭگو قازاق راديو تورابى     |责编:达吾力别克 |     发布日期: 2020-11-20 09:53

8 يۋان اقشا توناپ، 1 جىلعا سوتتالدى. « از مولشەردەگى اقشانى توناۋ قىلمىسقا جاتپايدى» دەپ بۇعان سەنبەۋىڭىز مۇمكىن، «سوت مەكەمەسىنىڭ جازا كەسۋ ولشەمى قالاي، شىندىعىندا دا وسىنداي اۋىرما»دەگەن كۇدىكتى سۇراۋ قويۋىڭىزدا مۇمكىن؟


كوپشىلىكتىڭ جوعارىداعىداي كۇدىكتى سۇراۋلارىنا، تاربىيەلىك ماڭىزعا يە تومەندەگى ناقتىلى دەلو مىسالىنان جاۋاپ تاباتىن بولاسىز


دەلو جاعدايى


2019-جىلى11-ايدىڭ باسىندا 19 جاستاعى تيە فاميليالى جۇمىس تاۋىپ ىستەمەكشى بولىپ ءۇرىمجى قالاسىنا كەلەدى، الايدا ىستەيتىن جۇمىس تابا الماي، قالتاسىنداعى بار اقشاسىن قاجىلاپ تاۋسقان ونىڭ الداعى جەردە تاماق تاۋىپ ءىشۋى دە قيىنعا تۇسەدى، سونىمەن ول توناۋشىلىق ىستەپ اقشا تابۋ ارام ويىنا كەلەدى.


11-ايدىڭ 19-كۇنى ساعات 21 دەن 30 مينوت وتكەندە تيە فاميليالى زياندالۋشى جىڭ فاميليالىنىڭ سوڭىنا ءتۇسىپ ءۇرىمجى قالاسى جاڭا قالا رايونىنداعى بەلگىلى مەكەمەنىڭ تۇرعىندار اۋلاسىناعى ءبىر قالتارىس جەرگە كەلگەندە، بەيعام كەتىپ بارا جاتقان جىڭ فاميليالىنىڭ تۋ سىرتىنان قاپسىرا قۇشاقتاي الىپ «ماعان 25 يۋان اقشا بەرەسىڭ» دەپ وڭ قولىمەن ونىڭ اۋزىن باسىقاندا، وڭ جاق كوزىنىڭ استىن تىرناپ جارالايدى.


سودان جىڭ فاميليالى قولىنداعى سومكاسىن اقتارىپ ءجۇرىپ ىشىنەن 1 يۋاندىق 6 دانا مەتال اقشا مەن 1 يۋاندىق 2 پارشا قاعاز اقشانى الىپ شىعىپ تيە فاميليالىنىڭ قولىنا ۇستاتادى.


دەلو تۋىلعاننان كەيىن، تيە فاميليالى قوعام حاۋىپسىزدىك ورگانىنا ىرىقتىلىقپەن ءوزىن مالىمدەپ، دەلو تۋدىرۋ بارىسىن قاز-قالپىندا مويىندايدى.


تاياۋدا ءۇرىمجى قالاسى جاڭا قالا رايوندىق حالىق سوتى مەكەمەسى بۇل دەلوعا سوت اشىپ تەرگەۋ جۇرگىزەدى.


سوت بارىسى


سوت مەكەمەسى وسى دەلونى تەرگەپ انىقتاعاننان كەيىن:«قاتىستى زاڭ بەلگىلەمەلەرىنە نەگىزدەلگەندە، تيە فاميليالىنىڭ بۇل ارەكەتىنەن توناۋشىلىق قىلمىسى قالىپتاسقان بولىپ، زاڭ بويىنشا 3 جىلدان جوعارى 10 جىلدان تومەن بەرزىمدى قاماۋ، وعان قوسا اقشالاي ايىپ تارتتىرۋ جازاسىن بەرۋگە ءتيىستى، الايدا، بۇل دەلودا، تيە فاميليالى دەلولى بولعاننان كەيىن، وتكىزگەن قىلمىسىن قاز-قالپىندا ىرىقتىلىقپەن مويىنداپ، قىلمىسىن تانىپ، بەرىلەتىن جازانى قابىلدايتىندىعىن بىلدىرگەن، توناپ العان اقشنى كەمىتپەي تاپسىرىپ بەرۋمەن بىرگە زياندالۋشىنىڭ كەشىرىمىنە يە بولعان. وعان جازا كەسۋ بارىسىندا جەڭىلدەتىپ جازالاۋدى ويلاستىرۋعا بولادى» دەپ قارادى. سوڭىندا سوت مەكەمەسى توناۋشىلىق قىلمىسىن وتكىزگەن تيە فاميليالىعا زاڭ بويىنشا 1 جىلدىق مەرزىمدى قاماۋ جازاسىن بەرىپ، وعان قوسا 1000 يۋان اقشالاي ايىپ تارتتىرۋ جونىندە ۇكىم شىعاردى.


زاڭدىق تۇسىندىرمە


وسى دەلوعا جاۋاپتى سۋديا توناۋشىلىق قىلمىسى جونىندە بىلايشا تۇسىنىك جاسادى: توناۋشىلىق قىلمىسى دەگەنىمىز زاڭسىز تۇردە يەمدەنىپ الۋ ماقساتىندا، مال-مۇلىكتىڭ زاڭدى يەسى، باسقارۋشىسىنا زورلىقتى كۇش كورسەتۋ، قورقىتۋ نەمەسە باسقادا تاسىلدەردى قولدانۋ ارقىلى جالپىنىڭ نەمەسە جەكە ادامنىڭ مال-مۇلكىن تارتىپ الۋ ارەكەتىن كورسەتەدى. توناۋشىلىق قىلمىسى ارەكەت سيپاتىندىق قىلمىس بولىپ،، مۇندا توناۋشىلىق ىستەۋشى ناق مايداندا زورلىقتى كۇش كورسەتۋ، قورقىتۋ نەمەسە باسقادا تاسىلدەر ارقىلى جالپىنىڭ نەمەسە جەكە ادامنىڭ مال-مۇلكىن تارتىپ الۋ ارەكەتىن وتكىزگەن بولادى مۇندا باسقالاردىڭ اقشاسى نەمەسە مال- مۇلكىن توناپ الا العان، الا الماعانىنا، سوماسىنىڭ از-كوپتىگىنە قاراماستان، پىريىنسىپتىك جاقتا توناۋشىلىق قىلمىسىن قالىپتاستىرادى.


زاڭدىق جالعانىم


«جۇڭحۋا حالىق رەسپۋبليكاسى قىلمىستىق ىستەر ارىز-شاعىم زاڭى» نىڭ 15-تارماعىنداعى قىلمىسىن تانىپ، جازاعا مويىنسال بولعاندارعا كەڭشىلىك ەتۋ ءتۇزىمى


قىلمىس كۇدىكتىلەرى، ايىپكەرلەر وزدەرىنىڭ وتكىزگەن قىلمىستارى مەن قىلمىس فاكىتتەرىن مويىنداپ، جازانى ىرىقتىلىقپەن قابىلداعاندارىن، زاڭ بويىنشا كەڭشىلىكپەن ءبىر جايلى ەتۋگە بولادى.


«جۇڭحۋا حالىق رەسپۋبليكاسى قىلمىستىق ىستەر زاڭى» نىڭ 67 -تارماعىنداعى ءوزىن مالىمدەۋ جونىندەگى بەلگىلەمە


قىلمىس وتكىزگەننەن كەيىن ىرىقتىلىقپەن ءوزىن مالىمدەپ، وتكىزگەن قىلمىسىن قاز-قالپىندا مويىنداۋدى، ءوزىن مالىمدەۋ دەيمىز. ءوزىن مالىمدەگەن قىلمىستىلاردى جەڭىل نەمەسە جەڭىلدەتىپ جازالاۋعا بولادى. بۇلاردىڭ ىشىندەگى قىلمىسى ءبىرشاما جەڭىل بولعاندارىنا بەرىلەتىن جازانى كەشىرۋگە بولادى. زورلىقتى كۇش شاراسى قولدانىلعان قىلمىس كۇدىكتىلەرى، ايىپكەرلەر جانە جازا وتەپ جاتقان قىلمىستىلار، وزىنىڭ زاڭ ورگاندارى ءالى يەلەي قويماعان قىلمىستارىن قاز قالپىندا تاپسىرسا ءوزىن مالىمدەگەندىك دەپ قارالادى قىلمىس كۇدىكتىلەرى جوعارىدا ايتىلعان ءوزىن مالىمدەۋدەگى ەكى ءتۇرلى شارتتى ازىرلەمەگەن بولسادا وزىنىڭ وتكىزگەن قىلمىستارىن ىرىقتىلىقپەن مويىنداعاندارىن جەڭىلدەتىپ جازالاۋعا بولادى قىلمىسىن ىرىقتىلىقپەن مويىنداپ، ەرەكشە اۋىر زارداپتىڭ تۋىلۋىنىڭ الدىن العان قىلمىس كۇدىكتىلەرىنە بەرىلەتىن جازانى جەڭىلدەتۋگە بولادى.


«جۇڭحۋا حالىق رەسپۋبليكاسى قىلمىستىق ىستەر زاڭى» نىڭ 263-تارماعىنداعى توناۋشىلىق قىلمىسى جونىندەگى بەلگىلەمە


زورلىقتى كۇش، سەس كورسەتۋ نەمەسە باسقادا تاسىلدەر ارقىلى جالپىنىڭ نەمەسە جەكەنىڭ مال-مۇلكىن توناعاندارعا 3 جىلدان جوعارى 10 جىلدان تومەن مەرزىمدى قاماۋ جازاسى بەرىلەدى، وعان قوسا اقشالاي ايىپ سالىنادى؛ تومەندەگى جايىتتەردىڭ ءبىرى بولعاندارىنا 10 جىلدان جوعارى مەرزىمدى قاماۋ جازاسى، مەرزىمسىز قاماۋ جازاسى نەمەسە ءولىم جازاسى بەرىلەدى، وعان قوسا اقشالاي ايىپ سالىنادى نەمەسە مال-مۇلكى ءمۇسادىرالانادى: (1) باسقالاردىڭ وتباسىنا باسا كوكتەي كىرىپ توناۋشىلىق ىستەگەندەر؛ (2) الەۋمەتتىك قاتناس قۇرالدارىنىڭ ىشىندە توناۋشىلىق ىستەگەندەر؛ (3) بانكە نەمەسە باسقادا فينانيس قۇرىلىمدارىن توناعاندار؛ (4) كوپ رەت توناۋشىلىق ىستەگەندەر نەمەسە توناعان اقشاسىنىڭ سوماسى وراسان مول بولعاندار؛ (5) توناۋشىلىق ىستەپ باسقالاردىڭ اۋىر جارالانۋىنا نەمەسە ولۋىنە سەبەپشى بولعاندار؛ (6) اسكەري ادام نەمەسە ساقشى بەينەسىنە ەنىپ الىپ توناۋشىلىق ىستەگەندەر؛ (7) قارۋ الىپ ءجۇرىپ توناۋشىلىق ىستەگەندەر؛ (8) اسكەري ىستەردە ىستەتىلەتىن زاتتاردى نەمەسە حاۋىپتەن قۇتقارۋ، اپاتتان اراشالاۋ، جىلۋعا اتاعان زاتتاردى توناعاندار. توناۋشىلىق قىلمىسىندا جوعارىداعىداي 8 ءتۇرلى جاعدايدا 10 جىلدان جوعارى مەرزىمدى قاماۋ جازاسى، مەرزىمسىز قاماۋ جازاسى نەمەسە ءولىم جازاسى بەرىلەدى، وعان قوسا اقشالاي ايىپ سالىنادى نەمەسە مال مۇلكى ءمۇسادىرالانادى.


حانزۋشا «شينجياڭ زاڭ گازەتى» تورابىنىڭ 2020-جىلى11-ايدىڭ 4-كۇنگى سانىنان
اۋدارعان: وماربەك قىزىرقان ۇلى

中央广播电视总台 央广网 版权所有

8 يۋان توناپ 1 جىلعا سوتتالدى

2019-جىلى11-ايدىڭ باسىندا 19 جاستاعى تيە فاميليالى جۇمىس تاۋىپ ىستەمەكشى بولىپ ءۇرىمجى قالاسىنا كەلەدى، الايدا ىستەيتىن جۇمىس تابا الماي، قالتاسىنداعى بار اقشاسىن قاجىلاپ تاۋسقان ونىڭ الداعى جەردە تاماق تاۋىپ ءىشۋى دە قيىنعا تۇسەدى، سونىمەن ول توناۋشىلىق ىستەپ اقشا تابۋ ارام ويىنا كەلەدى.